រដ្ឋាភិបាលជប៉ុនបានសម្រេចគាំទ្រអង្គភាព CMAC លើការអនុវត្ដគម្រោងអភិវឌ្ឍប្រព័ន្ធ​គ្រប់គ្រង​ទិ​ន្នន័យបញ្ញាសិប្បនិម្មិ ត(AI System) ដែលគម្រោងនេះមានរយៈ ពេល១២ខែ ចាប់ពីខែកុម្ភៈ ឆ្នាំ​២០២៤ ដល់ ខែកុម្ភៈ ឆ្នាំ ២០២៥ ដោយផ្តោត​សំខាន់​ទៅ​លើ​ការ​បណ្តុះបណ្តាល​ជំនាញ​ប្រើប្រាស់​បញ្ញាសិប្បនិម្មិត (AI) និងផ្តល់សម្ភារៈដំឡើងកម្មវិធី (Software)ជាដើម។

ដោយមានការគាំទ្រគាំទ្រដោយរដ្ឋាភិបាលជប៉ុនដូច្នេះនោះ អង្គភាព CMAC បាន​បើក​សិក្ខា​សាលា​ស្តីពី​គម្រោង “ការផ្លាស់ប្តូរទៅរកប្រព័ន្ធឌី ជីថលនៃទិន្នន័យប្រតិបត្តិការបស់អង្គភាពស៊ីម៉ាក់ និង​គម្រោងបញ្ញាសិប្បនិម្មិត (AI) “ នៅព្រឹកថ្ងៃទី១៩ ខែមិថុនា ឆ្នាំ ២០២៤ នៅទីបញ្ជាការ​កណ្តាល​ស៊ីម៉ាក់​ភ្នំពេញ។

តាមរយៈការគាំទ្រនេះអង្គភាព CMAC និងក្រុមហ៊ុន NEC របស់ជប៉ុន នឹងធ្វើ​ការ​អនុវត្ដ​គម្រោង​នេះ​រួមគ្នាដើម្បីអភិវឌ្ឍប្រព័ន្ធគ្រប់គ្រងទិន្នន័យបញ្ញាសិប្បនិម្មិតនេះ អោយកាន់​តែមា​នប្រសិទ្ធភាព​ខ្ពស់។ គម្រោងនេះចែកចេញជាពីរដំណាក់កាល៖ ដំណាក់កាលទី០១ មាន​រយៈពេល​០៦​ខែ​ដោយ​ត្រូវ​ធ្វើការរៀបចំឡើងប្រព័ន្ធគ្រប់គ្រងទិន្នន័យបញ្ញាសិប្បនិម្មិត សិក្សានិងប្រើប្រាស់ទិន្នន័យ ដើម្បី​បញ្ចូលទិន្ន ន័យទៅក្នុងប្រព័ន្ធគ្រប់គ្រងទិន្នន័យបញ្ញាសិប្បនិម្មិត។ ដំណាក់​កាលទី០២ មាន​រយៈពេល៦ខែ ប្រើប្រាស់កម្លាំងស្រាវជ្រាវទីវាល (TSC) របស់អង្គភាព ដើម្បីបំពេញកិច្ច ប្រតិបត្តិការ​ឆ្លើយតបបញ្ជាក់ និងផ្ទៀងផ្ទាត់​ទៅនឹងលទ្ធផល​ដែល​ទទួលបានមក​ពីការវិភាគ​របស់​ប្រព័ន្ធ​គ្រប់គ្រង​ទិន្នន័យបញ្ញាសិប្បនិម្មិតនេះ។     

មានប្រសាសន៍នៅ​ក្នុង​ពិធីបើកវគ្គសិក្ខាសាលា ឯកឧត្តម ហេង រតនា ប្រតិភូរាជរដ្ឋាភិបាលទទួល​បន្ទុកជា​អគ្គនាយកស៊ីម៉ាក់ បានមានប្រសាសន៍ថា ប្រព័ន្ធទិន្នន័យរបស់​អង្គភាព​ស៊ីម៉ាក់​មាន​ការ​វិវត្តន៍​ជា​ច្រើនដំណាក់កាល ហើយបញ្ញាសិប្បនិម្មិត (AI) ពិតជាមានសារសំខាន់​ណាស់​ក្នុង​ការ​គ្រប់គ្រប់​ប្រព័ន្ធទិន្នន័យនាពេលបច្ចុប្បន្នក៏ដូចជាពេលអនាគត។ វាពិតជាជួយពន្លឿ​ន​ការងារ​ផ្នែក​ទិន្នន័យ​ជា ពិសេសការរូម​បញ្ចូល​គ្នា​ជាមួយ​នឹង​កម្លាំង​បោសសម្អាត​មីនផ្សេងទៀត​ដែល​អង្គភាព​គ្រោង​នឹង​សាកល្បងប្រើប្រាស់ក្រោយឆ្នាំ២០២៥។

ឯកឧត្តមក៏បានបន្ថែមទៀតផងដែរថា ដើម្បីឆ្លើយ តបទៅនឹងការវិវត្តនៅក្នុងតំបន់ ក៏ដូចជានៅលើ​ពិភពលោក រាជរដ្ឋា ភិបាលកម្ពុជាអណត្តិទី៧នេះ បានរៀបចំយុទ្ធសាស្រ្តថ្មី ពោលគឺការ​រៀបចំ​យុទ្ធ​សាស្រ្ត​បញ្ចកោណចំនួន ៥ចំណុចសំខាន់ៗ ដែលក្នុងនោះរួមមាន ការអភិវឌ្ឍសេដ្ឋកិច្ច និង​សង្គម​ឌីជីថល ដែលជាផ្នែកមួយសំខាន់ផងដែរ៕ អត្ថបទ៖ ភារម្យ