អគ្គសេនាធិការកងទ័បអ៊ុយក្រែន បាននិយាយកាលពីថ្ងៃអង្គារថា ស្ថានភាពជួរមុខក្នុងទិសដៅ Pokrovsk ក្នុងសាធារណរដ្ឋប្រជាមានិត Donetsk (DPR) មានភាពតានតឹងសម្រាប់កងទ័ពអ៊ុយក្រែន ហើយការលំបាកបានកើតមានឡើងនៅជិតទីក្រុង Seversk។

លោកអគ្គសេនាធិការអ៊ុយក្រែន បាននិយាយនៅលើបណ្តាញ Telegram របស់ខ្លួនថា៖«វាមានភាពតានតឹងជាពិសេស នៅក្នុងទិសដៅ Seversk ចាប់តាំងពីព្រឹកថ្ងៃអង្គារ។ ស្ថានភាពតានតឹង នៅតែបន្តកើតមាន ក្នុងទិសដៅ Pokrovsk" ។

លោកអគ្គសេនាធិការអ៊ុយក្រែន បានលើកឡើងជាទៀងទាត់អំពីទិសដៅ Pokrovsk ថា មានភាពស្មាញ ឬតានតឹងនៅក្នុងរបាយការណ៍ជួរមុខរបស់ខ្លួន ចាប់តាំងពីខែឧសភា។ លោក បានសារភាពកាលពីចុងខែឧសភាថា កងកម្លាំងរុស្ស៊ី បានសម្រេច«ជោគជ័យជាក់លាក់» នៅទីនោះ។

កាលពីថ្ងៃទី៥ ខែមិថុនា អគ្គមេបញ្ជាការកងទ័ពអ៊ុយក្រែន លោក Alexander Syrsky បានរាយការណ៍អំពីស្ថានភាពតានតឹង នៅក្នុងតំបន់ជួរមុខមួយចំនួន រួមទាំងទិសដៅ Pokrovsk ផងដែរ។ បន្ទាប់ពីនោះ ប្រធានាធិបតីអ៊ុយក្រែន លោក វ្ល៉ាឌីមី ហ្ស៊េឡិនស្គី បានទទួលស្គាល់ថា ស្ថានភាពលំបាកបំផុតសម្រាប់កងទ័ពអ៊ុយក្រែន បានលេចឡើងនៅលើទឹកដីរបស់សាធារណរដ្ឋប្រជាមានិត ( DPR) ដែលគ្រប់គ្រងដោយទីក្រុងគីវ។