កំពង់ឆ្នាំង៖ លោក នុត អង្គារ នាយកសាលាបឋមសិក្សាគំរូក្រុង នៅថ្ងៃទី២៧ ខែមិថុនា ឆ្នាំ២០២៤នេះ បានថ្លែងថា កុមារដែលបានឆ្លងកាត់ថ្នាក់ទម្រង់ថ្មីនៃការអប់រំ តម្រង់ទិសឆ្ពោះទៅរកសេដ្ឋកិច្ចចំនេះដឹង ហៅកាត់ថា STEM នេះ គឺសិស្សមានសមត្ថភាពល្អក្នុងការចាប់យកចំណេះដឹងបន្តទៅអនាគត ។ គំរូ STEM ផ្តល់ឱ្យសិស្សនូវសំណុំជំនាញ និងចំណេះដឹងរួមបញ្ចូលគ្នាក្នុងវិស័យចំនួន៤ ដោយបណ្តុះបណ្តាលមនុស្សជំនាន់ក្រោយដើម្បីប្រមើលមើលនិន្នាការនៃបដិវត្តន៍ឧស្សាហកម្ម៤.០ ។

លោក នុត អង្គារ បានអោយដឹងបន្តថា៖ សាលាបឋមសិក្សាគំរូក្រុង ស្ថិតនៅក្នុងក្រុងកំពង់ឆ្នាំង គឺជាសាលាតែមួយគត់ដែលបានបង្កើតថ្នាក់STEM សម្រាប់សិស្សានុសិស្សក្នុងសាលា និងមានរយៈពេល៤ឆ្នាំមកហើយ ។ សិស្សដែលកំពុងរៀន និងបានចេញពីសាលាមានប្រមាណជាង១០០នាក់ ។ ចំពោះសិស្សដែលបានឆ្លងកាត់ថ្នាក់STEMនេះ ពេលពួកគាត់រៀនទៅលើបន្តទៀត គឺពួកគាត់ភាគច្រើនរៀនពូកែជាងសិស្សដទៃ ទាំងសាលារដ្ឋ និងឯកជន ។ STEM គឺជាពាក្យកាត់សម្រាប់ទម្រង់ថ្មីនៃការអប់រំ តម្រង់ទិសឆ្ពោះទៅរកសេដ្ឋកិច្ចចំនេះដឹង ដោយមានការបញ្ចូលគ្នានៃ៤មុខវិជ្ជា រួមមាន វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា។ ការសិក្សានេះ គឺជាវិធីអប់រំដែលរួមបញ្ចូលវិធីសាស្រ្តអន្តរកម្មសិក្សាតាមរយៈការអនុវត្ត និងការអនុវត្តទ្រឹស្តីដែលបានសិក្សា លើកកម្ពស់ការបង្កើត និងការអភិវឌ្ឍសមត្ថភាពដោះស្រាយបញ្ហា។ សិស្សត្រូវបានបំពាក់ដោយចំណេះដឹងវិទ្យាសាស្ត្រដែលទាក់ទងនឹងការអនុវត្តជាក់ស្តែង។ 

លោកនាយកសាលាបានគិតថា៖ សាលារៀនដែលចូលរួមក្នុងការសាកល្បងបានអនុវត្តយ៉ាងសកម្ម និងសកម្មចំពោះការអប់រំ STEM ប្រកបដោយប្រសិទ្ធភាព និងទូលំទូលាយ។ គំរូអប់រំ STEM គឺទំនើបណាស់ ដោយរួមបញ្ចូលមុខវិជ្ជាជាច្រើន។ សិស្ស "រៀនពេលកំពុងលេង" ជួយកាត់បន្ថយសម្ពាធ និងបង្កើនប្រសិទ្ធភាពនៃការបង្រៀន។ ជំហានដំបូងដើម្បីបង្កើតអភិវឌ្ឍគុណភាព និងសមត្ថភាពចាំបាច់សម្រាប់សិស្ស គឺការជំរុញគំនិតច្នៃប្រឌិត ទំនុកចិត្ត បង្កើនសមាគម ការគិតឡូជីខល ។ ការបញ្ចូលប្រព័ន្ធ STEM ទៅក្នុងការសិក្សានៅបឋមសិក្សានេះ គឺមានសារៈសំខាន់ណាស់ ហើយអាណាព្យាបាលសិស្សច្រើនក៏បានចាប់អារម្មណ៍ខ្លាំង ។ សិស្សដែលបានឆ្លងកាត់ពីថ្នាក់ STEM នេះទៅ ពួកគេអាចមានសមត្ថភាពគ្រប់គ្រាន់ក្នុងការអភិវឌ្ឍន៍ខ្លួន ក៏ដូចជាការកសាងគ្រួសារមួយដ៏ល្អ និងអាចជួយកសាងប្រទេសជាតិបានទៀតផង៕ ដោយ ៖ កាំង ហុងវាស្នា