អនុរដ្ឋមន្ត្រីការបរទេសរុស្ស៊ីលោក Sergey Ryabkov បាននិយាយថា ប្រទេសរុស្ស៊ី និងសហរដ្ឋអាមេរិកកំពុងរក្សាបណ្តាញទំនាក់ទំនងបើកចំហ និងរក្សាទំនាក់ទំនងតាមរយៈរដ្ឋបាលប្រធានាធិបតី និងសេវាកម្មពិសេស។

លោក Ryabkov បាននិយាយក្នុងអំឡុងពេលផ្សាយទូរទស្សន៍ Rossiya-1ថា៖«បណ្តាញទំនាក់ទំនងជាមួយទីក្រុងវ៉ាស៊ីនតោន មិនត្រូវបានបិទទេ ត្រឹមរយៈពេលមួយថ្ងៃមុនការសន្ទនាតាមទូរស័ព្ទដ៏សំខាន់មួយរវាងរដ្ឋមន្ត្រីការពារជាតិរុស្ស៊ី Andrey Belousov និងសមភាគីអាមេរិករបស់ខ្លួន (គឺលោក Lloyd Austin) បានកើតឡើង។ មានការទំនាក់ទំនងកម្រិតផ្សេងទៀតរួមជាមួយបណ្តាញទំនាក់ទំនងរបស់រដ្ឋ                បាលប្រធានាធិបតី ជាពិសេសនៅតាមបណ្តាញសេវាចារកម្ម ភ្នាក់ងារការទូត កំពុងទាក់ទងគ្នាទៅវិញទៅមកលើបញ្ហារៀងៗខ្លួន ហើយរឿងនេះ កើតឡើងជាប្រចាំ»។ 

អនុរដ្ឋមន្ត្រីការបរទេសរូបនេះ បានបន្ថែមទៀតថា៖«យើងមិនគួរយល់ឃើញខ្លួនយើងស្ថិតនៅក្នុងស្ថានភាពដែលយើងកំពុងធ្វើការជាមួយប្រអប់ខ្មៅ ដែលកម្លាំងរុញច្រានខ្លះចេញមកពីខាងក្នុងរបស់យើង ហើយលទ្ធផល គឺសូន្យ។ នោះហើយជាមូលហេតុនៃបណ្តាញដែលខ្ញុំបានលើកឡើងនេះ គឺមានសារៈសំខាន់ នោះហើយជាមូលហេតុដែលមុខងាររបស់ឯកអគ្គរដ្ឋទូត និងស្ថានទូត គឺ ពិតជាសំខាន់ ហើយយើងនឹងមិនបោះបង់ចោលពួកគេណាមួយឡើយ ហើយអ្នកអាចប្រកាន់យកប្រភេទណាមួយនៃការដំណើរការផ្នែកការទូត តាមដែលអ្នកចូលចិត្ត ប៉ុន្តែនេះ ក៏ជាធាតុសំខាន់នៃការងារទាំងមូល ជាពិសេសក្នុងដំណាក់កាលវិបត្តិបច្ចុប្បន្ននេះ»។