ទីភ្នាក់ងារអវកាស Roscosmos នៅថ្ងៃអង្គារ (ទី២ ខែកក្កដា) នេះ បាននិយាយថា ប្រទេសរុស្ស៊ីមានបំណងបង្កើតម៉ូឌុលស្នូលចំនួន៤ របស់ស្ថានីយអវកាសថ្មីដែលបានគ្រោងទុក នៅឆ្នាំ២០៣០។

ប្រមុខទីភ្នាក់ងារអវកាស Roscosmos លោក Yuri Borisov បានបិទបញ្ចប់កាលបរិច្ឆេទជាមួយនាយកនៃសហគ្រាសចំនួន ១៩ ដែលចូលរួមបង្កើតស្ថានីយ៍ថ្មីនេះ។

Roscosmos បានបញ្ជាក់អំពីផែនការ ដើម្បីដាក់ឲ្យដំណើរការម៉ូឌុលវិទ្យាសាស្រ្ត និងថាមពលដំបូង នៅឆ្នាំ២០២៧។ ទីភ្នាក់ងារនេះបាននិយាយថា ម៉ូឌុលចំនួន ៣ទៀត នឹងត្រូវបានបន្ថែមនៅឆ្នាំ២០៣០ ហើយមានចំនួន ២បន្ថែមទៀត នៅចន្លោះឆ្នាំ២០៣ និងឆ្នាំ២០៣៣។

គួរបញ្ជាក់ថា រហូតមកដល់ពេលនេះ រុស្ស៊ីបានចូលរួមជាមួយសហរដ្ឋអាមេរិក និងបណ្ដាប្រទេសផ្សេងទៀតធ្វើប្រតិបត្តិការ នៅលើស្ថានីយអវកាសអន្តរជាតិ (ISS) ជាផ្នែកមួយ ក្នុងចំណោមផ្នែកមួយចំនួន ដែលខ្លួននៅតែសហការយ៉ាងជិតស្និទ្ធជាមួយសហរដ្ឋអាមេរិក ទោះបីជាមានស្ថានភាពអាក្រក់នៃទំនាក់ទំនងរវាងប្រទេសទាំង២ គិតចាប់តាំងពីការលុកលុយចូលអ៊ុយក្រែនក៏ដោយ។

ដោយអាយុប្រតិបត្តិការលើស្ថានីយ ISS កាន់តែខិតជិតដល់ទីបញ្ចប់ ទីក្រុងមូស្គូបានប្រកាសពីផែនការនៅឆ្នាំ២០២២ ដើម្បីដកខ្លួនចេញពីគម្រោង និងសាងសង់ស្ថានីយផ្ទាល់ខ្លួន។ ដំបូងឡើយ ខ្លួនបាននិយាយថា នឹងចាកចេញពី ISS បន្ទាប់ពីឆ្នាំ២០២៤ ប៉ុន្តែបានប្រាប់ដៃគូ កាលពីឆ្នាំមុនថា នឹងបន្តការចូលរួមរបស់ខ្លួនរហូតដល់ឆ្នាំ២០២៨៕