នៅថ្ងៃព្រហស្បតិ៍នេះ មន្ទីរឧតុនិយមក្រុងសៀងហៃ បានប្រកាសអាសន្នរលកកម្តៅកម្រិតពណ៌លឿងទុំជាលើកដំបូង ក្នុងឆ្នាំ ២០២៤ ស្របពេលដែលទីក្រុងពាណិជ្ជកម្មរបស់ចិនមួយនេះ មើលឃើញសីតុណ្ហភាពកើនឡើងជាង ៣៨អង្សាសេ ។

ភ្ញៀវទេសចរនៅកណ្តាលទីក្រុងសៀងហៃ ត្រូវបានគេមើលឃើញ ពួកគេរកកន្លែងជ្រកក្រោមតាំងយូរ និងឈរជិតកន្លែងទឹកបាញ់ ។

មន្ទីរឧតុនិយមនិយាយថា រលកកម្តៅនេះ ត្រូវបានគេរំពឹងថា នឹងបន្តកើតមាននៅក្នុងទីក្រុងភាគខាងកើតប្រទេសចិនមួយនេះ រហូតដល់ចុងសប្តាហ៍ ។

សូមបញ្ជាក់ថា ប្រទេសចិន ប្រឈមនឹងរលកកម្តៅ និងអាកាសធាតុក្តៅជាងមុន ក៏ដូចជាភ្លៀងធ្លាក់ខ្លាំងពុំអាចព្យាករណ៍បានញឹកញាប់ជាងមុន ដោយសារបម្រែបម្រួលអាកាសធាតុ ៕