កីឡាករកម្ពុជា គ្រួស្លីង ម៉ាធើ បានប្រកួតឈ្នះកីឡាករអ៊ីរ៉ាក HATEM ABDULLAH ALI ក្នុងការប្រកួតវិញ្ញាសាឯកត្តជនគូទី២ នៃព្រឹត្តិការណ៍កីឡាវាយកូនបាល់អន្តរជាតិ ដាវីសខាប់ តំបន់អាស៊ី/អូសេអានី គ្រុបទី៤ ឆ្នាំ ២០២៤ ពូល B រសៀលថ្ងៃទី១០ ខែកក្កដានេះ នៅទីលានវាយកូនបាល់ ពហុកីឡដ្ឋានជាតិមរតកតេជោ។

គ្រូស្លីង ម៉ាធើ បានយកឈ្នះគូប្រកួត ២សិតទល់០ ក្នុងពិន្ទ ៧-៦ និង៦-៣។ ចំណែកព្រឹកមិញ កីឡាករ ប៊ុន កេន្នី បើកការប្រកួតឈ្នះកីឡាករ អ៊ីរ៉ាក់ SAIDI ADEL ២សិតទល់០ ក្នុងពិន្ទុ៦-១ និង៦-០។

តាមរយៈលទ្ធផលនេះ កម្ពុជា នាំមុខអ៊ីរ៉ាក់ ២ទល់០ រឺឈ្នះអ៊ីរ៉ាក់ ទោះសល់មួយប្រកួតទៀតក៏ដោយ។ ប្រកួតទី៣ វិញ្ញាសាវាយគូ កីឡាករ ឡេង សារិនរាជ និងទេព ទីម៉ូធី ប្រកួតជាមួយ HATEM ABDULLAH ALI និង SAIDI ADEL៕