នៅថ្ងៃទី២ នៃដំណើរទស្សនកិច្ចផ្លូវការនិងមិត្តភាព នៅព្រះរាជាណាចក្រថៃ គណៈប្រតិភូ​ជាន់ខ្ពស់​រដ្ឋសភាកម្ពុជា ដឹកនាំដោយ សម្តេចមហាដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី១២ ខែកក្កដា ឆ្នាំ២០២៤ បានអញ្ជើញទស្សនាសារមន្ទីរ និងកន្លែងប្រវត្តិសាស្រ្ត វប្បធម៌​ដ៏សំខាន់ៗ នៃខេត្តអាយុធ្យា ភាគកណ្តាលប្រទេសថៃ។

ដំណើរទស្សនកិច្ចនេះធ្វើឡើងនៅក្នុងគោលបំណងសិក្សាឈ្វេងយល់ពីការរៀបចំនិងប្រព្រឹត្តទៅនៃតំបន់​ប្រវត្តិសាស្រ្តរបស់ប្រទេសថៃ និងដើម្បីផ្សារភ្ជា​ប់​ទំនាក់​ទំនង​វប្បធម៌ និង​ខ្សែ​ចង្វាក់​ទេសចរណ៍ប្រទេសកម្ពុជានិងប្រទេសថៃឱ្យកាន់តែជិតស្និទ្ធ ហើយក៏ជាឱកាស​ដល់​ការ​ផ្សព្វផ្សាយ និង​ទាក់ទាញអ្នកទេសចរមកទស្សនាកម្ពុជាផងដែរ៕