ភ្លើងគប់កីឡាអូឡាំពិក បានបង្ហាញយ៉ាងពិសេសនៅក្នុងក្បួនព្យុហយាត្រាទិវាជាតិជាប្រពៃណីរបស់ទីក្រុងប៉ារីស ប្រទេសបារាំង កាលពីថ្ងៃអាទិត្យ ទី១៤ ខែកក្កដា មុនពេលចេញដំណើរនៅជុំវិញរដ្ឋធានីបារាំង សម្រាប់ការបញ្ជូនតភ្លើងគប់។

ភ្លើងគប់ត្រូវបានកាន់ដោយទាហាន និងម្ចាស់មេដាយមាសកីឡាអូឡាំពិក នៅក្នុងព្រឹត្តិការណ៍នេះ ដោយជិះនៅលើខ្នងសេះ។

សិស្សថ្នាក់មធ្យមសិក្សារាប់សិបនាក់ បានចូលដង្ហែរក្បួនព្យុហយាត្រា ហើយម្ចាស់មេដាយមាសកីឡាអូឡាំពិក បានហុចភ្លើងគប់ទៅអ្នកស្ម័គ្រចិត្តវ័យក្មេងម្នាក់ នៅមុខប្រធានាធិបតីបារាំង លោក Emmanuel Macron និងមន្ត្រីរដ្ឋាភិបាលជាន់ខ្ពស់។

ភ្លើងគប់កីឡាអូឡាំពិក ត្រូវបានគេកំណត់ឲ្យទៅដល់ទីតាំងល្បីៗក្នុងទីក្រុងប៉ារីស ពេញមួយថ្ងៃអាទិត្យ និងថ្ងៃច័ន្ទ ទី១៥ កក្កដា អំឡុងពេលការបញ្ជូនបន្ត។

ក្បួនព្យុហយាត្រាយោធា មានយន្តហោះមកពីកងអង្គភាពរបស់ប្រទេសបារាំង កងវរសេនាធំកងទ័ព កងម៉ារីន និងកងសន្តិសុខស៊ីវិល រួមទាំងសត្វសុនខសង្គ្រោះ និងក្រុមភ្លេងកងទ័ព។

ការប្រារព្ធពិធីនេះត្រូវបានធ្វើឡើង នៅជិតផ្លូវ Foch Avenue នៅឆ្នាំនេះ ខណៈផ្លូវ ស្សម អាលីសេ(Champs Elysees) ត្រូវបានត្រៀមសរួចរាល់សម្រាប់ការបញ្ជូនតភ្លើងគប់កីឡាអូឡាំពិក ។

ទិវាជាតិរបស់ប្រទេសបារាំង រំលឹកដល់ការសម្រុកចូលពន្ធនាគារ Bastille ក្នុងឆ្នាំ១៧៨៩ ជាព្រឹត្តិការណ៍សំខាន់មួយនៃបដិវត្តន៍ប្រទេសបារាំង។ ថ្ងៃនេះ គឺជាថ្ងៃវិស្សមកាលបុណ្យជាតិ នៅក្នុងប្រទេសបារាំង។