សន្តិសុខជនជាតិឃើដម្នាក់ ត្រូវបានសម្លាប់កាលពីថ្ងៃអាទិត្យ នៅក្នុងការប៉ះទង្គិចគ្នាជាមួយក្រុមសកម្មប្រយុទ្ធរដ្ឋឥស្លាម (IS) នៅក្នុងខេត្ត Kirkuk ភាគខាងជើងនៃប្រទេសអ៊ីរ៉ាក់។

កងកម្លាំងសន្តិសុខឃើដដែលគេស្គាល់ថា Asaiysh បាននិយាយនៅក្នុងសេចក្តីថ្លែងការណ៍មួយថា ការប៉ះទង្គិចគ្នា បានកើតឡើង នៅពេលដែលជនសកម្មប្រយុទ្ធ IS ពីរនាក់ បានលួចចូលទៅក្នុងទីប្រជុំជន Qara Hanjir ភាគខាងកើតនៃរដ្ឋធានី Kirkuk ដែលមានចម្ងាយប្រហែល ២៥០ គីឡូម៉ែត្រភាគខាងជើងនៃទីក្រុងបាកដាដ។

សេចក្តីថ្លែងការណ៍នោះ បាននិយាយថា ការប៉ះទង្គិចគ្នានេះ បានបណ្តាលឲ្យមានការសម្លាប់ជនសកម្មប្រយុទ្ធ IS ម្នាក់ស្លាប់ និង ម្នាក់ទៀតបានរងរបួស ហើយត្រូវចាប់ខ្លួន ខណៈដែលសមាជិកសន្តិសុខឃើដម្នាក់ត្រូវបានសម្លាប់ និងម្នាក់ទៀត រងរបួស។

ស្របពេលជាមួយគ្នានោះ ក្នុងលក្ខខណ្ឌមិនបញ្ចេញឈ្មោះ ប្រភពសន្តិសុខឃើដ បានប្រាប់សារព័ត៌មានស៊ីនហួថា ក្រុមសកម្មប្រយុទ្ធ IS ទាំងពីរនាក់ បានចូលទីក្រុងនេះ ក្នុងការប៉ុនប៉ងធ្វើការវាយប្រហារភេរវ   កម្ម។

ស្ថានភាពសន្តិសុខក្នុងប្រទេសអ៊ីរ៉ាក់ មានភាពប្រសើរឡើង ចាប់តាំងពីក្រុមIS បានបរាជ័យក្នុងឆ្នាំ ២០១៧។ ទោះបីជាយ៉ាងណាក៏ដោយ ក្រុមISដែលនៅសេសសល់ បានលួចចូលទៅក្នុងទីក្រុង វាលខ្សាច់ និងតំបន់ដែលពិបាកចូលទៅដល់ ដោយធ្វើការវាយប្រហារបែបទ័ពព្រៃជាញឹកញាប់ប្រឆាំងនឹងកងកម្លាំងសន្តិសុខ និងជនស៊ីវិល។