សភាអឺរ៉ុបបានបោះឆ្នោតឲ្យលោកស្រី Ursula von der Leyen ធ្វើជាប្រធានគណៈកម្មការអឺរ៉ុបរយៈពេល ៥ឆ្នាំទៀត ដោយនេះជាការសម្រេចជ្រើសរើសយកស្ថិរភាព និងការបន្តសម្រាប់ស្ថាប័ន និងប្លុកដ៏មានឥទ្ធិពលបំផុតរបស់សហភាពអឺរ៉ុប (EU)។

លោកស្រី Von der Leyen ដែលទទួលបានការសាទរពីគណបក្សស្តាំនិយមនិន្នាកាកណ្ដាល គឺគណបក្សប្រជាជនអឺរ៉ុប (European People’s Party) បានទទួលសំឡេងគាំទ្រ ពីការបោះឆ្នោតសម្ងាត់ចំនួន ៤០១ ពោលគឺលើសពី ៣៦១សំឡេងដែលលោកស្រីត្រូវការ។ អ្នកបោះប្រឆាំងមានចំនួន ២៨៤សំឡេង អនុបវាទ ១៥ ហើយ ៧សំឡេង ត្រូវបានប្រកាសថា មិនយកជាផ្លូវការ។

លោកស្រី Von der Leyen មានការគាំទ្រពីក្រុមធំៗចំនួន៣ គឺក្រុមគាំទ្រ EU គឺក្រុមនៃគណបក្សប្រជាជនអឺរ៉ុប ក្រុមនៃគណបក្សសង្គមនិយម និងក្រុមនៃគណបក្សសេរីនិយម។

ដោយលោកស្រី Von der Leyen មានទាំងការគាំទ្រពីក្រុមប្រឹក្សាអឺរ៉ុប និងសភាអ៊ឺរ៉ុបនោះ លោកស្រីនឹងចាប់ផ្តើមប្រជុំគណៈកម្មការអឺរ៉ុបថ្មីរបស់លោកស្រី៕