មេដឹកនាំប៉ាឡេស្ទីន បានសាទរថា ជា «ប្រវត្តិសាស្ត្រ» កាលពីថ្ងៃសុក្រ ចំពោះសេចក្តីសម្រេចរបស់តុលាការកំពូលអង្គការសហប្រជាជាតិ(ICJ) ដែលបានរកឃើញថា ការចូលកាន់កាប់ដែនដីប៉ាឡេស្ទីន របស់អ៊ីស្រាអែល គឺខុសច្បាប់ ប៉ុន្តែសេចក្តីសម្រេចនេះ បានធ្វើឲ្យមានការថ្កោលទោសពីសំណាក់អ៊ីស្រាអែល។

នាយករដ្ឋមន្ត្រី លោក Benjamin Netanyahu បាននិយាយថា តុលាការយុត្តិធម៌អន្តរជាតិ បានបង្កើត «សេចក្តីសម្រេចកុហក» ដោយបានរកឃើញថា គោលនយោបាយ និងការអនុវត្តន៍ របស់អ៊ីស្រាអែលចំពោះ «ចំនួនការដាក់បញ្ចូលឧបសម្ព័ន្ធផ្នែកធំៗ» នៃដែនដីដែលបានកាន់កាប់។

ការិយាល័យរបស់ប្រធានអាជ្ញាធរប៉ាឡេស្ទីន លោក Mahmud Abbas បាននិយាយថា ខ្លួនស្វាគមន៍ សេចក្តីសម្រេចជាប្រវត្តិសាស្ត្រ និងការទាមទារឱ្យអ៊ីស្រាអែលត្រូវបានបង្ខំឱ្យអនុវត្ត សេចក្តីសម្រេចនេះ។ តុលាការ ដែលមានមូលដ្ឋាននៅទីក្រុងឡាអេ ប្រទេសហូឡង់ បានរកឃើញថា អ៊ីស្រាអែល ស្ថិតនៅក្រោមកាតព្វកិច្ចដើម្បីបញ្ឈប់ភ្លាមៗ រាល់សកម្មភាពតាំងទីលំនៅថ្មី និងជម្លៀសអ្នកតាំងលំនៅទាំងអស់ ចេញពីដែនដីចូលកាន់កាប់។

ការចេញសេចក្តីសម្រេចនេះ បានធ្វើឲ្យមានការចាប់អារម្មណ៍បន្ថែម ព្រោះវាកើតឡើងប្រឆាំងទៅនឹងទិដ្ឋភាពខាងក្រោយនៃសង្គ្រាមរវាងអ៊ីស្រាអែល និងក្រុមហាម៉ាស នៅតំបន់ហ្កាហ្សា។ 

លោក Netanyahu បានដឹកនាំក្រុមថ្កោលទោស មកពីអ្នកនយោបាយនិយមកណ្តាល អភិរក្សនិយម និងស្តាំនិយមជ្រុល នៅអ៊ីស្រាអែល។ លោក Netanyahu បាននិយាយនៅក្នុងសេចក្តីថ្លែងការណ៍ថា «ប្រជាជនជ្វីហ្វ ពុំមែនជាអ្នកកាន់កាប់នៅក្នុងដែនដីនេះទេ។ គ្មានសេចក្តីសម្រេចណាមួយនៃការកុហក នៅក្នុងទីក្រុងឡាអេ នឹងបំភ្លៃការពិតជាប្រវត្តិសាស្រ្តឡើយ ហើយជាមួយគ្នានេះដែរ ភាពស្របច្បាប់នៃការតាំងទីលំនៅរបស់អ៊ីស្រាអែល នៅគ្រប់ផ្នែកទាំងអស់នៃទឹកដីរបស់យើង ពុំអាចត្រូវបានជំទាស់ឡើយ។ នៅក្នុងការបកស្រាយជាភាសាអង់គ្លេស នៃសេចក្តីថ្លែងការណ៍ លោក Netanyahu បានហៅសេចក្តីសម្រេចនេះថា «មិនសមហេតុផល» ។