ប្រធានគណៈកម្មាធិការអូឡាំពិកអន្តរជាតិ លោក Thomas Bach មានប្រសាសន៍នៅថ្ងៃច័ន្ទថា ព្រឹត្តិការណ៍អូឡាំពិកប៉ារីស នឹងអស្ចារ្យ ក្នុងពេលដែលមានការបែងចែកជាសកល និង​កម្លាំង​ជម្លោះ​កើន​ឡើង។

លោកបន្តថា ដោយមានសាមគ្គីភាពរឹងមាំ យើងជឿជាក់ថាយើងនឹងឆ្លងកាត់កីឡាអូឡាំពិក ដ៏​អស្ចារ្យ​ទាំងអស់គ្នា ជាមួយគ្នាក្នុងពិភពលោកទាំងមូល។

អូឡាំពិក​នៅ​ទីក្រុងរបស់បារាំងនេះ ជាអូឡាំពិកដំបូងដែលមានការបែងចែកយែនឌ័រស្មើគ្នា ដោយ​ចំនួន​កីឡាករ និងកីឡាការិនីចូលរួមស្មើគ្នា។

លោក​បន្ថែមថា យើងអបអរសាទរជាលើកដំបូងក្នុងប្រវត្តិសាស្ត្រកីឡាអូឡាំពិក ដែលមាន​សមភាព​យែនឌ័រ​។ និមិត្តរូបមួយនៃការប្តេជ្ញាចិត្តរបស់យើងក្នុងការបញ្ចូល និងសាមគ្គីភាព គឺ​ក្រុម​តំណាងជនភៀសខ្លួនអូឡាំពិក។ ចំនួនអត្តពលិកជនភៀសខ្លួនជាកំណត់ត្រា ចូលរួ​ម​ប្រកួត​នៅ​ទីក្រុង​ប៉ារីស។

អត្តពលិកជាង ១០ ៥០០នាក់តំណាងគណៈកម្មាធិការជាតិអូឡាំពិក២០៦ នឹងប្រកួតប្រជែង​ក្នុង​ព្រឹត្តិការណ៍ពហុកីឡារយៈពេល១៦ថ្ងៃ។ មកដល់ពេលនេះ វារយៈពេល១០០ឆ្នាំ​ហើយ​តាំង​ពី​ទីក្រុង​ប៉ារីសធ្វើម្ចាស់ផ្ទះចុងក្រោយ។

លោក Bach គួសបញ្ជាក់ពីការជម្នះរបស់ស្ថាប័នកីឡាសកល ជាអ្វីដែលលោកហៅថា​របៀប​ពិភពលោក​ថ្មី ។ដោយបន្ថែមថា ការផ្តោតលើសាមគ្គី​ភាពរ​បស់​អូឡាំពិក​អន្តរជាតិ​ដែល​នឹង​ត្រូវ​បន្ថែម​ដោយកំណើនចំណូល ប៉ុន្មានឆ្នាំបន្ទាប់ ហើយនឹងត្រូវបែង​ចែក​ដល់​គណៈកម្មាធិការ​អូឡាំពិក​ជាតិ សហព័ន្ធអន្តរជាតិ និងដៃគូពាក់ព័ន្ធ ពិតជាមានសារៈសំខាន់។

លោក Bachបង្ហើបឱ្យដឹងដែរថា គណៈកម្មាធិការអូឡាំពិកអន្តរជាតិ មានចំណូល ៧.៣ប៊ីលាន​សម្រាប់​ឆ្នាំ២០២៥-២០២៨ ហើយនឹងកើន៦.២ប៊ីលានក្នុកិច្ចសន្យាសម្រាប់អំឡុងឆ្នាំ ២០២៩-២០៣២៕