អាមេរិក៖ ដោយមានការចូលរួមរបស់អាមេរិកនៅក្នុងសង្គ្រាម ហើយយោធាអាមេរិកទាំងអស់បានចាកចេញពីប្រទេសនោះ លោកប្រធានាធិបតី Joe Biden កំពុងប្រឈមនឹងអនាគតនៃទំនាក់ទំនងថ្មីជាមួយក្រុមតាលីបង់។
លោក Biden បានប្រគល់ភារកិច្ចឱ្យរដ្ឋមន្ត្រីការបរទេស Antony Blinken ធ្វើការសម្របសម្រួលជាមួយដៃគូអន្តរជាតិ ដើម្បីឲ្យពួកតាលីបង់គោរពតាមការសន្យារបស់ពួកគេថា នឹងបើកឲ្យមានច្រកឆ្លងកាត់សុវត្ថិភាពសម្រាប់ជនជាតិអាមេរិក និងអ្នកផ្សេងទៀតដែលចង់ចាកចេញនៅថ្ងៃខាងមុខ។ អ្នកនាំពាក្យក្រសួងការបរទេស លោក Ned Price បាននិយាយថា “មុនពេលយើងចូលទៅក្នុងយន្តការ នៃការចូលរួមជាមួយរដ្ឋាភិបាលអាហ្វហ្គានីស្ថាននាពេលអនាគត អាចមានរឿងពីរយ៉ាងត្រូវកើតឡើង។ ទី១-ត្រូវតែមានរដ្ឋាភិបាលអាហ្វហ្គានីស្ថានបន្ទាប់។
សំខាន់ជាងនេះទៅទៀត សហគមន៍អន្តរជាតិចាំបាច់ត្រូវយល់ដឹង មិនត្រឹមតែរដ្ឋាភិបាលមានតែឈ្មោះនោះទេ ប៉ុន្តែត្រូវតែមើលលើទង្វើផងដែរ។ ក្នុងរយៈពេលប៉ុន្មានថ្ងៃចុងក្រោយនេះក្រុមមន្ត្រីអាមេរិកបាននិយាយថា ពួកគេគិតថា មានពលរដ្ឋចន្លោះពី ១០០ ទៅ ២០០នាក់នៅតែស្ថិតក្នុងអាហ្វហ្គានីស្ថាននៅឡើយ។ កាលពីថ្ងៃពុធ លោក Price បាននិយាយថា ឥឡូវនេះក្រសួងការបរទេសជឿជាក់ថាចំនួននោះគឺជិត ១០០នាក់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
