ទូរទស្សន៍al-Masirah របស់ក្រុមក្រុមហ៊ួទី បានរាយការណ៍ថា កងកម្លាំងចម្រុះកងទ័ពជើងទឹកអាមេរិក-អង់គ្លេស បានបើកការវាយប្រហារតាមអាកាសថ្មី ចំនួន ៣លើកលើអាកាសយានដ្ឋានយេម៉ែនដែលគ្រប់គ្រងដោយក្រុមហ៊ួទី នៅក្នុងទីក្រុងកំពង់ផែ Hodeidah កាលពីថ្ងៃសុក្រ។  

ទូរទស្សន៍នេះ មិនបានផ្តល់ព័ត៌មានលម្អិតបន្ថែមទេ។

អ្នកស្រុក បាននិយាយនៅលើបណ្តាញសង្គមថា ការវាយប្រហារទាំងនោះ បានត្រូវចំគោលដៅរបស់ក្រុមហ៊ួទី។

ការវាយប្រហារតាមអាកាសទាំងនេះ បានកើតឡើងភ្លាមៗ បន្ទាប់ពីការវាយប្រហារចំនួន ៤លើកផ្សេងទៀតដែលធ្វើឡើងដោយកងកម្លាំងចម្រុះ បានកំណត់គោលដៅលើកោះ Kamaran ក្នុងសមុទ្រក្រហមរបស់យេម៉ែន ដូចដែលបានរាយការណ៍ដោយទូរទស្សន៍របស់ក្រុមហ៊ួទី។

ពុំមានការអត្ថាធិប្បាយភ្លាមៗ ពីក្រុមចម្រុះឡើយ។

ក្រុមប្រដាប់អាវុធហ៊ួទី បានដណ្តើមកាន់កាប់ភាគច្រើននៃភាគខាងជើងយេម៉ែន នៅចុងឆ្នាំ ២០១៤ ដោយបង្ខំរដ្ឋាភិបាលយេម៉ែនដែលត្រូវបានទទួលស្គាល់ជាអន្តរជាតិ ចាកចេញពីរដ្ឋធានីសាណា (Sanaa)។