ការិយាល័យរបស់អគ្គលេខាធិការ បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា អង្គការសហប្រជាជាតិ មានការព្រួយបារម្ភយ៉ាងខ្លាំងចំពោះការវាយប្រហាររបស់អ៊ីស្រាអែល នៅទីក្រុងបេរូត     ( Beirut) ហើយវាអំពាវនាវឲ្យភាគីទាំងអស់ប្រកាន់ខ្ជាប់នូវការអត់ធ្មត់ជាអតិបរមា។

សេចក្តីថ្លែងការណ៍ បានឲ្យដឹងថា៖«យើងសម្តែងការព្រួយបារម្ភយ៉ាងខ្លាំងចំពោះការវាយប្រហារដោយកងកម្លាំងការពារអ៊ីស្រាអែលលើតំបន់ជាយក្រុងភាគខាងត្បូងនៃទីក្រុងបេរូត ប្រទេសលីបង់ កាលពីល្ងាចថ្ងៃទី ៣០ ខែកក្កដា ដែលបណ្តាលឲ្យជនស៊ីវិលជាច្រើននាក់ រងរបួស» ។ ជាថ្មីម្តងទៀត យើងជំរុញ្យភាគីនានាអនុវត្តការអត់ធ្មត់ជាអតិបរមា និងអំពាវនាវឲ្យអ្នកពាក់ព័ន្ធទាំងអស់ជៀសវាងការកើនឡើងភាពតានតឹងបន្ថែមទៀត»។

អង្គការសហប្រជាជាតិ ក៏បានអំពាវនាវឲ្យភាគីទាំងអស់ប្រកាន់ខ្ជាប់នូវកាតព្វកិច្ចរបស់ពួកគេ ក្រោមច្បាប់អន្តរជាតិ។

កាលពីថ្ងៃទី ៣០ ខែកក្កដា យន្តហោះអ៊ីស្រាអែល បានបាញ់មីស៊ីលចំនួន ៤គ្រាប់ នៅជាយក្រុង Dahieh នៃទីក្រុងបេរូតដែលចាត់ទុក ថាជាបន្ទាយរបស់ក្រុមហេសបូឡា។ អគារ៤ជាន់មួយ ត្រូវបានបំផ្លាញ ហើយ អគារជាច្រើនផ្សេងទៀត និងរថយន្តចតនៅក្បែរនោះ បានរងការខូចខាត។