មេដឹកនាំនៅសហរដ្ឋអាមេរិក និងអាមេរិកឡាទីន កំពុងអំពាវនាវឱ្យមាន «ការពិនិត្យឡើងវិញពេញលេញ» នៃការបោះឆ្នោតនៅក្នុងប្រទេសវ៉េណេស៊ុយអេឡា បន្ទាប់ពីប្រធានាធិបតី លោក Nicolas Maduro ត្រូវបានប្រកាសថាជាអ្នកទទួលជ័យជម្នះ។

អង្គការរដ្ឋទ្វីបអាមេរិក បានចេញផ្សាយរបាយការណ៍មួយកាលពីថ្ងៃអង្គារ ដោយនិយាយថា ព័ត៌មានដែលខ្លួនប្រមូលបានពីប្រភពចំនួនបួនផ្សេងៗគ្នា បង្ហាញពីលទ្ធផលនៃការបោះឆ្នោតកាលពីថ្ងៃអាទិត្យថា «មិនអាចត្រូវបានគេទទួលស្គាល់»។

មន្ត្រីរៀបចំការបោះឆ្នោត បានប្រកាសថា លោក Maduro បានទទួលជ័យជម្នះក្នុងការប្រកួតរប្រជែងដោយទទួលបាន៥១ភាគរយនៃសន្លឹកឆ្នោត។ 

ទោះជាយ៉ាងណា ចំនួនដែលចងក្រងដោយអង្គការរដ្ឋទ្វីបអាមេរិក(OAS) បានរកឃើញថា បេក្ខជនគណបក្សប្រឆាំង គឺលោក Edmundo Gonzalez បានឈ្នះច្រើនជាង៦០ភាគរយ។ អង្គការ OAS និយាយថា ភស្តុតាងបង្ហាញពីការប៉ុនប៉ងរបស់របបនេះ ចំពោះ «ការមិនគោរព» ឆន្ទៈរបស់ប្រជាជនវ៉េណេស៊ុយអេឡា រាប់លាននាក់។

ក្រុមបាតុករនៅទូទាំងប្រទេស បានធ្វើបាតុកម្មនៅតាមដងផ្លូវ។ អង្គការក្រៅរដ្ឋាភិបាលមួយ បាននិយាយថា មនុស្សយ៉ាងហោចណាស់៦នាក់ បានស្លាប់ និងជាង ១៣០ នាក់ត្រូវបានចាប់ខ្លួន។ ក្រុមអ្នកតវ៉ានិយាយថា ពួកគេចង់បានការផ្លាស់ប្តូរនយោបាយ ហើយប្រទេសវេណេស៊ុយអេឡា ត្រូវតែស្វែងរកមធ្យោបាយសម្រាប់ការបោះឆ្នោតដែលត្រូវបានគេ «គោរព»។ អ្នកផ្សេងទៀត បាននិយាយថា «អាវុធ» តែមួយគត់ដែលពួកគេមានគឺ «អណ្តាត» របស់ពួកគេ។

មេដឹកនាំចិន និងរុស្ស៊ី បានសាទរ លោក Maduro និងបាននិយាយថា វេណេស៊ុយអេឡា គួរតែគ្មានការជ្រៀតជ្រែកពីខាងក្រៅ។