ព្រះមហាក្សត្រហ្ស៊កដានី Abdullah នៅក្នុងការហៅទូរស័ព្ទកាលពីថ្ងៃចន្ទជាមួយប្រធានាធិបតីអាមេរិក Joe Biden បានព្រមានអំពីអ្វីដែលព្រះអង្គហៅថា «ទង្វើអរិភាព» របស់អ្នកតាំងលំនៅអ៊ីស្រាអែលប្រឆាំងនឹងប៉ាឡេស្ទីន និង «វិធានការឯកតោភាគី»ដែលគំរាមកំហែងដល់ស្ថានភាពនៃទីតាំងដ៏ពិសិដ្ឋមួយចំនួននៅទីក្រុងហ្ស៊េរុយសាឡឹម។

រាជវង្ស Hashemite របស់ព្រះមហាក្សត្រ Abdullah គឺជាអ្នកថែរក្សាទីកន្លែងពិសិដ្ឋរបស់មូស្លីម និងគ្រិស្តសាសនា នៅក្នុងទីក្រុងហ្ស៊េរុយសាឡឹម។ កាលពីខែមុន នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បាននិយាយថា មិនមានការផ្លាស់ប្តូរនៅក្នុងគោលនយោបាយទាក់ទងនឹងការទីតាំងទីក្រុងហ្ស៊េរុយសាឡឹម ដែលជាកន្លែងពិសិដ្ឋសម្រាប់ប្រជាជនមូស្លីមនោះទេ បន្ទាប់ពីរដ្ឋមន្ត្រីស្តាំនិយមទទួលបន្ទុកទីស្តីការគណៈរដ្ឋមន្ត្រី បាននិយាយថា ជនជាតិជ្វីហ្វ អាចអធិស្ឋាននៅទីនោះ។

បរិវេណនេះនៅក្នុងទីក្រុងចាស់ដែលមានកំពែងនៃក្រុងហ្ស៊េរុយសាឡឹម ជាសក្ការបូជាដ៏ពិសិដ្ឋបំផុតទី ៣ របស់សាសនាឥស្លាមគឺ វិហារឥស្លាម Al-Aqsa និងត្រូវបានគោរពដោយជនជាតិជ្វីហ្វ ជាTemple Mount ដែលជាទីតាំងនៃប្រាសាទបុរាណពីរ។

ក្រោមការរៀបចំ«ស្ថានភាព»ដែលមានអាយុកាលរាប់ទសវត្សរ៍ជាមួយអាជ្ញាធរមូស្លីម អ៊ីស្រាអែលអនុញ្ញាត ជនជាតិជ្វីហ្វទៅលេង ប៉ុន្តែបដិសេធមិនអធិស្ឋាន។ ទីតាំងនេះ គឺជាចំណុចស្នូលនៃជម្លោះ   អ៊ីស្រាអែល-ប៉ាឡេស្ទីន ហើយមានការបញ្ជាក់ថា អ៊ីស្រាអែល នឹងកែប្រែច្បាប់ស្តីពីការគោរពសាសនា នៅទីនោះ បាននាំឲ្យមានអំពើហិង្សា នាពេលកន្លងទៅ។