អាហ្វហ្គានីស្ថាន៖ ស្ត្រីជនជាតិអាហ្វហ្គានីស្ថានមួយក្រុម បានឈរនៅសងខាងផ្លូវរដ្ឋធានីកាប៊ុល ហើយបានរកកន្លែងលាក់ខ្លួន បន្ទាប់ពីសមាជិកប្រដាប់អាវុធរបស់ក្រុមតាលីបង់ បានបាញ់រះទៅលើអាកាសដើម្បីបំបែកក្រុមអ្នកតវ៉ារាប់រយនាក់។
ម្នាក់ក្នុងចំណោមពួកគេនិយាយយ៉ាងលឿន នៅពេលកាមេរ៉ាថតចំពួកគេថា ពួកតាលីបង់អយុត្តិធម៌ណាស់ ហើយពួកគេមិនមែនជាមនុស្សទេ។ ពួកគេមិនផ្តល់សិទ្ធិឱ្យយើងធ្វើបាតុកម្មទេ ពួកគេមិនមែនជាមូស្លីមទេ តែជាមនុស្សមិនស្មោះត្រង់។ ការផ្ទុះអាវុធនៅតែបន្ត ដែលបង្កឲ្យឱ្យមានការភិតភ័យថែមទៀត។ មិនមានអ្នកស្លាប់ ឬរបួសពីការបាញ់ប្រហារនោះទេ ហើយវីដេអូពីការតវ៉ាកាលពីថ្ងៃអង្គារ ទី៧ ខែកញ្ញាដែលខ្លះបានចែករំលែកនៅលើបណ្តាញសង្គម បានបង្ហាញពីពួកតាលីបង់បានលើកកាណុងកាំភ្លើងរបស់ពួកគេ ទៅលើអាកាសមុនពេលពួកគេកេះកៃ។
ប៉ុន្តែការតវ៉ាជិត ១ខែបន្ទាប់ពីក្រុមតាលីបង់ដណ្តើមបានការគ្រប់គ្រងរដ្ឋធានីកាប៊ុល រួមទាំងការធ្វើបាតុកម្មតូចៗជារៀងរាល់ថ្ងៃនៅទូទាំងប្រទេស ដែលតែងតែដឹកនាំដោយស្ត្រីបានបង្កជាបញ្ហាប្រឈម ចំពោះរដ្ឋាភិបាលអាហ្វហ្គានីស្ថានថ្មីដែលបានប្រកាសកាលពីល្ងាចថ្ងៃអង្គារ។ ក្រុមសកម្មប្រយុទ្ធប្រកាន់តឹងមួយនេះ បានទទូចឱ្យពលរដ្ឋអាហ្គានីស្ថានអត់ធ្មត់ដោយទុកពេលឱ្យបង្កើតរដ្ឋាភិបាល មុនពេលពួកគេឆ្លើយតបទៅនឹងការទាមទាររបស់ប្រជាជន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
