​បាល់ទាត់៖ ​កីឡាករ​ប្រេ​ស៊ី​ល ៨នាក់​នឹង​មិនអាច​ប្រកួត​ឱ្យ​របស់​ពួកគេ​ឡើយ​នៅ​ក្របខណ្ឌ English Premier League ចុង​សប្តាហ៍​នេះ បន្ទាប់ពី​អាជ្ញាធរ​បាល់ទាត់​ប្រេ​ស៊ី​ល​ស្នើឱ្យ FIFA អនុវត្ត​ច្បាប់​ដែល​ចែងថា កីឡាករ​មិនអាច​លេង​ឱ្យ​ក្លិប​អាជីព​របស់​ពួកគេ​បានឡើយ​ នៅពេល​ចប់​បេសកកម្ម​ជួយ​ក្រុម​ជំរើសជាតិ​របស់​ពួកគេ​។

​​មានន័យថា​រាប់​ពីថ្ងៃ​ចុងក្រោយ​នៃ​កាលវិភាគ​របស់ FIFA គឺ​ថ្ងៃទី១០ សុពលភាព​ដល់​ថ្ងៃទី១៤ ដែល​កីឡា​ករទាំង ៨នាក់​នោះ​មិនអាច​លេង​ឱ្យ​ក្លិប​អាជីព​របស់​ពួកគេ​។ ​​បើ​បែបនេះ​មែន Liverpool, Manchester City, Chelsea, Manchester United និង Leeds United សុទ្ធតែ​រង​ផលប៉ះពាល់​ទាំងអស់​។ ​​នេះ​អាចជា​ការសង​សឹក​មួយ​ពី​សហព័ន្ធ​បាល់ទាត់​ប្រេ​ស៊ី​ល​ទៅលើ English Premier League ដែល​កន្លងមកបាន​ហាមឃាត់​កីឡាករ​របស់ខ្លួន ​មិនឱ្យ​ចេញទៅ​ជួយ​ក្រុម​ជំរើសជាតិ​ដែល​ស្ថិតក្នុង​បញ្ជី​ក្រហម​របស់​ចក្រភព​អង់គ្លេស​។ ​​តែ​ក្នុងចំណោម​កីឡាករ​ទាំង ៨នាក់​នោះ​មិនមាន​ខ្សែប្រយុទ្ធ Richarlison មួយ​ដែល​ក្លិប​ Everton អនុញ្ញាតឱ្យ​ចាកចេញ​ទៅ​ជួយ​ក្រុម​ប្រេ​ស៊ី​ល​។

​​ក្នុងចំណោម ៨នាក់​នោះ​មាន​កីឡាករ Liverpool ដល់​ទៅ ៣នាក់​រួមមាន​អ្នកចាំទី Alisson Becker, Roberto Firmino និង Fabinho ចំណែក Manchester City មាន​ពីរ​នាក់​គឺ Gabriel Jesus និង​អ្នកចាំទី Ederson ឯ Leeds មាន​ម្នាក់​គឺ Raphinha និង Manchester United មាន​ម្នាក់​គឺ Fred​។ ​​ក្រៅពី​ប្រេ​ស៊ី​ល ម៉ិ​ក​ស៊ី​ក ប៉ា​រ៉ា​ហ្កា​យ និងឈី​លី​ក៏បាន​ធ្វើ​រឿង​ដូច​ប្រេ​ស៊ី​ល​ដែរ មានន័យថា ​កីឡា​ករ ៣​រូប​មាន​ម៉ិ​ក​ស៊ិ​ក Raul Jimenez, ប៉ា​រ៉ា​ហ្កា​យ Miguel Almiron និង Francisco Sierralta​។ ​យ៉ាងណាក្តីយើង​នៅ​មិនទាន់​ដឹង​ផ្លូវការ​យ៉ាងណា​ឡើយ ខណៈ​ត្រូវបាន​គេ​រំពឹងថា​នឹងមាន​ការចរចា​ដោះស្រាយ​បញ្ហា​នេះ​៕

​អត្ថបទ​៖​នាង សុភា​វុ​ធ