​ប្រដាល់៖ ​បុរស​ដែល​ត្រូវបាន Mike Tyson ខាំ​ស្លឹកត្រចៀក​កាលពី​ទសវត្សរ៍ ៩០ Evander Holyfield បាន​ត្រៀមខ្លួន​រួចរាល់​ សម្រាប់​ការប្រកួត​នៅ​ថ្ងៃ​សៅរ៍​ចុង​សប្តាហ៍​នេះ​ទល់នឹង​កីឡាករ MMA, Vitor Belfort​។

​​កីឡាករ​វ័យ ៥៨ឆ្នាំ​ដែល​បានបង្ហាញ​ខ្លួន​ចុងក្រោយ​នៅលើ​សង្វៀន​កាលពី ១០ឆ្នាំមុន​។​ ​​តែ​ការឈាន​ឡើងលើ​សង្វៀន​លើក​នេះគឺ​មិនបាន​គ្រោងទុក​ឡើយ​ដោយ Evander Holyfield ត្រូវ​ជំនួស​កីឡាករ Oscar De La Hoya ដែល​បាន​ដកខ្លួន​ក្រោយ​តេស្ត​វិជ្ជមាន Covid-19​។​ ​​ក្រោយ​ការប្រកួត​ដែល​គ្រោង​ធ្វើ​នៅ​ទីក្រុង Los Angeles នោះ​ក៏​នឹងត្រូវ​លើក​មក​ប្រកួត​នៅ Florida វិញ​។ ​​អតីត​ជើងឯក​ពិភពលោក Holyfield ក៏ត្រូវ​បាន​គេ​រំពឹងថា​នឹង​អាច​ជួបគ្នា​ជាមួយ​ជើងចាស់ Mike Tyson នៅ​ថ្ងៃ​ណាមួយ​ដែរ តែ​គំរោង​នោះ​នៅ​មិនទាន់​សម្រេច​នៅឡើយ​។​

​​រំលឹកថា Evander Holyfield មាន​ប្រវត្តិ​ប្រកួត​សរុប ៥៧លើក​ឈ្នះ ៤៤ ក្នុងនោះ​មាន ២៩លើក​ផ្តួល​គូប្រកួត​នៅលើ​សង្វៀន ក្រៅពីនោះ​មាន​ចាញ់ ២០ និង​ស្មើ ២​។ ​ចំណែក​កីឡាករ MMA ប្រេ​ស៊ី​ល Vitor Belfort បច្ចុប្បន្ន​មាន​វ័យ ៤៤ឆ្នាំ​ធ្លាប់​ប្រកួត​ប្រដាល់សកល​តែ ១ប្រកួត​ប៉ុណ្ណោះ​គឺ​ឈ្នះ ហើយ​ក្រៅពីនោះ​គឺ​ប្រកួត​នៅ​សង្វៀន MMA សរុប ៤១លើក​ឈ្នះ ២៦ ផ្តួល​គូប្រកួត​នៅលើ​សង្វៀន ១៨លើក និង​ចាញ់ ១៤៕

​អត្ថបទ​៖​នាង សុភា​វុ​ធ