គ្រប់ភ្ញៀវបរទេសស្នាក់នៅកម្ពុជាដើម្បីប្រកបអាជីវកម្ម ធ្វើការងារ និងទេសចរណ៍ ក្នុងអំឡុងពេលនេះ បានថ្លែងថា បច្ចុប្បន្នកម្ពុជា មានសុខសន្តិភាព សណ្តាប់ធ្នាប់ល្អប្រសើរ បង្កលក្ខណៈឲ្យជនបរទេសនានាចាប់អារម្មណ៍ចង់មកវិនិយោគ និងធ្វើដំណើរទេសចរណ៍កម្សាន្តមកកម្ពុជា ហើយបើកម្ពុជាមិនមានសន្តិសុខ សណ្តាប់ធ្នាប់ មិនមានស្ថិរភាពនយោបាយសង្គមល្អ គឺគេមិនត្រូវការមកកម្ពុជានោះទេ។
បើតាមភ្ញៀវបរទេស នៅរាជធានីភ្នំពេញ បានថ្លែងប្រាប់BTV នៅថ្ងៃទី១៦ ខែសីហានេះថា ថ្មីៗនេះ មានភ្ញៀវបរទេសខ្លះៗ បានដឹងអំពីសកម្មភាពខ្លះៗ ដែលក្រុមប្រឆាំងជ្រុលនិយមមួយចំនួនបានគំរាមធ្វើបាតុកម្ម បង្កភាពអត់សណ្តាប់ធ្នាប់ ដែលគ្រប់សកម្មភាពញុះញង់នេះគឺបង្ករំខានដល់សន្តិភាព សន្តិសុខ សណ្តាប់ធ្នាប់សង្គម ប៉ះពាលការប្រកបអាជីវកម្ម និងទេសចរណ៍ដែលគេមិនត្រូវការ ខណៈស្ថានភាពកម្ពុជា បច្ចុប្បន្ន មានរាជរដ្ឋាភិបាលដឹកនាំល្អ មានសន្តិសុខ សណ្តាប់ធ្នាប់ មានការអភិវឌ្ឍ អគារខ្ពស់ៗច្រើន ឯទឹកមុខពលរដ្ឋខ្មែរមានភាពញញឹមរាក់ទាក់ ផ្តល់ភាពកក់ក្តៅដល់ភ្ញៀវបរទេសស្នាក់នៅកម្ពុជា ដើម្បីប្រកបអាជីវកម្ម ធ្វើការងារ និងដើរកម្សាន្តទេសចរណ៍នានា។
សូមបញ្ជាក់ថា សម្រាប់ភ្ញៀវទេសចរបរទេសមួយចំនួន មុនមកដល់ទឹកដីកម្ពុជា គឺគេបានធ្វើដំណើរឆ្លងកាត់មកពីប្រទេសឡាវ និង ប្រទេសវៀតណាម សង្កេតឃើញតាម នៅតំបន់ព្រំដែនកម្ពុជា ឡាវ វៀតណាម គឺមានការអភិវឌ្ឍល្អប្រសើរ មានផ្លូវស្អាតស្រួលធ្វើដំណើរ ការឆ្លងដែនមានការត្រួតពិនិត្យច្រើន ទេសភាពស្រស់ស្អាតទាក់ទាញទស្សនាម្តងហើយចង់មកទស្សនាម្តងទៀត៕ អត្ថបទ ស៊ុម សុខជា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
