ភ្នំពេញ ៖ ឯកឧត្តម ឈាង វុន សមាជិកគណៈកម្មាធិការអចិន្ត្រៃយ៍ និងជាប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា ថ្លែងថា កិច្ចសហប្រតិបត្តិការអភិវឌ្ឍ ន៍តំបន់ត្រីកោណ កម្ពុជា ឡាវ និងវៀតណាម (CLV-DTA) បានអះអាងថា កិច្ចសហប្រតិបត្តិការ នេះ កំពុងជំរុញការអភិវឌ្ឍ សន្តិភាព និងជំរុញកំណើនសេដ្ឋកិច្ច នៅតំបន់ព្រំដែននេះ។

​ក្នុងសន្និសីទសារព័ត៌មាពាក់ព័ន្ធនឹងកិច្ចសហប្រតិបត្តិការ (CLV-DTA) ថ្ងៃទី១៩ ខែសីហា ឆ្នាំ២០២៤ ឯកឧត្តម ឈាន វុន មានប្រសាសន៍ថា CLV គឺកិច្ចសហប្រតិបត្តិការរវាងប្រទេស កម្ពុជា ឡាវ និងប្រទេសវៀតណាម មិនមែនជាការដាក់បញ្ចូលខេត្ត នៃប្រទេសទាំង៣ ធ្វើការ អភិវឌ្ឍន៍រួមគ្នា គឺប្រទេសនីមួយៗ អភិវឌ្ឍន៍ដោយខ្លួនឯង ដែលចំណុចនេះ បានបកស្រាយជា បន្តបន្ទាប់ពីសម្ដេចតេជោ ហ៊ុន សែន អតីតនាយករដ្ឋមន្ត្រី និងពីសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា រួមទាំងអ្នកពាក់ព័ន្ធជាច្រើនរូបទៀត ។

ឯកឧត្តមបានបន្តថា ចំពោះការអនុវត្តនូវកិច្ចសហប្រតិបត្តិការនេះ នៅតែបន្ត ព្រោះថា បើឈប់នោះ មានន័យថា គឺលែងចង់អភិវឌ្ឍន៍នូវខេត្តទាំង៤របស់កម្ពុជា មានខេត្តក្រចេះ ស្ទឹង ត្រែង រតនគិរី និងខេត្តមណ្ឌលគិរី ហើយ CLV កំពុងអភិវឌ្ឍន៍នៅខេត្តជាប់ព្រំដែនទាំងអស់នេះ រួមទាំងបានថែរក្សានូវសន្តិសុខ សន្តិភាព ទប់ស្កាត់បាតុភាពអស្តិសុខផ្សេងៗ និងបានជំរុញ កំណើន សេដ្ឋកិច្ចផងដែរ ។

ក្នុងឱកាសនោះឯកឧត្តម ឈាង វុន បានបង្ហាញនូវការសោកស្ដាយ ដែលមានសកម្មភាព របស់ពលករខ្មែរធ្វើការនៅប្រទេសកូរ៉េ បានបាតុកម្មតវ៉ា ពាក់ព័ន្ធនឹងករណីកិច្ចសហប្រតិបត្តិ ការ CLV ដែលបានជឿតាមការញុះញង់របស់ជនអគិត ហើយឯកឧត្តមបានស្នើ ឲ្យពលករទាំង អស់នោះ សិក្សាឲ្យបានច្បាស់លាស់ កុំបន្តធ្វើសកម្មភាពរញ៉េរញ៉ៃក្នុងប្រទេស របស់គេទៀត ដែលជាការបំបែកនូវឆ្នាំងបាយខ្លួនឯង៕

អត្ថបទ ៖ បាន សុខរិទ្ធិ