ឆ្លើយតបទៅនឹងការចោទប្រកាន់ពីក្រុមអគតិនិងជ្រុលនិយមដែលថា រាជរដ្ឋាភិបាលកម្ពុជា បានកាត់ដី​៤ខេត្ត ឱ្យទៅវៀតណាមនោះ ឯកឧត្តម សរ សុពុត្រា អភិបាលខេត្តស្ទឹងត្រែង បានបញ្ជាក់អះអាងថា ពុំមានការ កាត់ ដី នៃខេត្តណាមួយឱ្យទៅភាគីប្រទេសជិតខាងទេ ហើយតាមរយៈកិច្ចសហប្រតិបត្តិការ នៃតំប​ន់អភិវឌ្ឍន៍​ត្រីកោណ កម្ពុជា ឡាវ និងវៀតណាម(CLV)នេះ ខេត្តស្ទឹងត្រែងបានទទួលនូវផលប្រយោជន៍ជាច្រើន។

ក្នុងជំនួបជាមួយអ្នកយកព័ត៌មានBTV News កាលពីចុងសប្តាហ៍នេះ ឯកឧត្តម សរ សុពុត្រា បានបញ្ជាក់ថា ពីមុនស្ថានភាពចាប់ពីខេត្តស្ទឹងត្រែង​ទៅព្រំដែន​ជួប​នូវការលំបាកខ្លាំងណាស់។

ឯកឧត្តមអភិបាលខេត្តក៏បានបន្តដែរថា៖ កិច្ចសហប្រ​តិ្តកា​រ រ​វា​ង​អាជ្ញាធរនៃប្រទេសស​ហប្រ​តិប​ត្តិការតំបន់​ត្រីកោណ​អភិវឌ្ឍន៍​(CLV) គឺមានកិច្ចសហប្រតិបត្តិការ ជាមួយគ្នាបានល្អណាស់នៅក្នុងការទប់ស្កាត់បទល្មើសផ្សេងៗ។

គួរបញ្ជាក់ថា កិច្ចសហប្រតិបត្តិការដ៏មានសារៈសំខាន់នេះ ប្រជាពលរដ្ឋដែលរស់នៅតាមបណ្តាខេត្តជាប់ព្រំដែន នៃប្រទេសទាំងបី កម្ពុជា ឡាវ និងវៀតណាម បានទទួលនូវផលប្រយោជន៍ជាច្រើន ក្នុងជីវភាពប្រចាំថ្ងៃ ទាំងសេដ្ឋកិច្ច សន្តិសុខ សណ្តាប់ធ្នាប់ ការអភិវឌ្ឍន៍គ្រប់ហេដ្ឋារចនាសម្ព័ន្ធធ្វើដំណើរដ៏ងាយស្រួល និង​មាន​សន្ទុះ​រីកចម្រើន​យ៉ាង​ច្រើន។ ទោះជាយ៉ាងណា រាជរដ្ឋាភិបាលនីតិកាលទី៧នៃរដ្ឋសភា ដែលដឹកនាំ​ដោយ​សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក៏បានអះអាងយ៉ាងច្បាស់ថា នឹងមិនឱ្យមានការបាត់​បង់​ទឹកដីសូម្បី១​មីលីម៉ែត្រ​ទៅប្រទេស​ណាមួយទេហើយសម្តេចនឹងជំរុញការអភិវឌ្ឍន៍​ឆ្ពោះទៅកាន់​ខេត្ត​ទាំង​៤​និងបានអំពាវនាវឱ្យ​វិនិយោគិនឱ្យ​ផ្តោតការ​ចាប់​អារម្មណ៍តម្រង់​ឆ្ពោះទៅធ្វើការ​វិនិ​យោគនៅ​បណ្តាខេត្តទាំង​៤ឱ្យមានការរីកចម្រើន​ច្រើនឡើង ​ដើម្បីទាក់​ទាញ​ភ្ញៀវទេស​ចរណ៍ជាតិ អន្តរជាតិ ឱ្យទៅមកលេងកម្សាន្ត និងឱ្យពលរដ្ឋ​មានចំណាប់អារម្មណ៍ ​មករស់​នៅតាម​តំបន់ព្រំដែននេះ​កាន់តែ​ច្រើនថែមទៀត៕ អត្ថបទ មុត សុទ្ធ