កំពង់ធំ៖ កុមារអាយុ១២ឆ្នាំ រហូតដល់ក្រោមអាយុ១៨ឆ្នាំ បន្តចាក់វ៉ាក់សាំងដូសទី២ មុន​បើក​ឲ្យ​ដំណើរ​ការសាលារៀន នៅថ្ងៃទី២០ ខែកញ្ញា ឆ្នាំ២០២១ ខាង​មុខ​នេះ​។

កុមារអាយុក្រោម ១៨ឆ្នាំ បន្តចាក់វ៉ាក់សាំដូសទី២ ដើម្បីត្រៀមចូលរៀនឡើងវិញ។ ក្រុម​កុមារ​លើក​ឡើងថា ការ​ចាក់វ៉ាក់សាំងនេះ បានជួយការពា​រ​សុខភាព​សា​ធារៈ​ទាំងអស់គ្នា! បើទោះបីជាយ៉ាងនេះ ក្តី​ក្រុម​កុមារ នៅ​តែអនុវត្តន៍វិធានការសុខាភិបាលឲ្យបានខ្ជាប់ខ្ជួន និងសូមអំពាវនាវ ដល់កុមារ​ទាំង​អស់​ត្រូវទៅចាក់វ៉ាក់​សាំង​ការពារជំងឺកូវីដ១៩ ឲ្យបានគ្រប់គ្នាៗ ដើម្បីការពារសុខភាពរបស់ខ្លួន គ្រួសារ និងសង្គម។

តាមរបាយការណ៍ របស់មន្ទីរសុខាភិបាលខេត្តកំពង់ធំ ​គិតត្រឹមថ្ងៃទី១៣ ខែកញ្ញា ឆ្នាំ២០២១ អ្នកចាក់វ៉ាក់សាំងការពារជំងឺកូវីដ-១៩ អាយុ១៨ឆ្នាំឡើងលើកទី១ មាន​ចំនួ​ន ៤០៥.៦៨៤នាក់, លើកទី២ បានចំនួន ២៣៥.០៤៦នាក់។ កុមារអាយុ១២ឆ្នាំដល់ក្រោម១៨ឆ្នាំចាក់ដូសទី១បានចំនួន ៨០.៧៨៧នាក់៕