អ្នកវាយប្រហារភេរវកម្ម នៅក្រោមទង់នៃអង្គការសកម្មប្រយុទ្ធជីហាដ Jamaat Nusrat al-Islam wal-Muslimin (JNIM) នៅក្នុងការវាយប្រហារភេរវកម្ម កាលពីថ្ងៃសៅរ៍ នៅក្នុងតំបន់ Barsalogho ចម្ងាយប្រហែល ៤០គីឡូម៉ែត្រភាគខាងជើងនៃទីក្រុងយុទ្ធសាស្រ្ត Kaya នៅកណ្តាលប្រទេសប៊ួគីណាហ្វាសូ     ( Burkina Faso) បានសម្លាប់មនុស្សជាង ២០០នាក់ និង ១៤០នាក់ រងរបួស។

ជនរងគ្រោះ គឺជាកងកម្លាំងសន្តិសុខការពាររដ្ឋធានីអៅហ្គាឌូហ្គូ (Ouagadougou)។

នៅពេលនៃការវាយប្រហារនោះ បានកើតឡើង ប្រជាជន កំពុងជីកលេណដ្ឋានសម្រាប់ការរៀបចំសន្តិសុខ ដែលត្រូវបានក្រុមភេរវករ JNIM កំណត់គោលដៅ។

ទាហានជាច្រើននាក់ បានបាត់ខ្លួន បន្ទាប់ពីការវាយប្រហារ ហើយអ្នកវាយប្រហារ បានរឹបអូសយកអាវុធ និងរថយន្តសង្គ្រោះមួយគ្រឿរបស់យោធា។

មានសេចក្តីរាយការណ៍ថា កងទ័ពប៊ួគីណាហ្វាសូ បាននិយាយថា ការវាយប្រហារ គឺជិតកើតឡើង ហើយបានអំពាវនាវឲ្យប្រជាជនជីកលេណដ្ឋាន ដើម្បីលាក់ខ្លួន។