ប្រព័ន្ធផ្សព្វផ្សាយរដ្ឋ នៅថ្ងៃអង្គារ (ទី២៧ ខែសីហា) នេះ បានឲ្យដឹងថា សភាជាតិរបស់ប្រទេសវៀតណាម នឹងបោះឆ្នោតជ្រើសរើសប្រធានាធិបតីថ្មីរបស់ប្រទេស នៅក្នុងខែតុលា ដែលជាការផ្លាស់ប្តូរថ្នាក់ដឹកនាំកំពូលចុងក្រោយបង្អស់ ក្នុងអំឡុងពេលដែលមានភាពចលាចលខុសពីធម្មតា សម្រាប់រដ្ឋកុម្មុយនីស្តមួយនេះ។

តំណែងប្រធានាធិបតី គឺជាតួនាទីដ៏សំខាន់មួយ នៅក្នុងរចនាសម្ព័ន្ធដឹកនាំសសរស្តម្ភចំនួន ៤ របស់វៀតណាម ដែលរួមបញ្ចូលផងដែរនូវអគ្គលេខាធិការបក្សកុម្មុយនីស្ត ដែលជាតំណែងកំពូល នាយករដ្ឋមន្ត្រី និងប្រធានរដ្ឋសភា។

ដោយដកស្រង់ប្រភពនៃសភាជាតិ វិទ្យុសំឡេងវៀតណាមគ្រប់គ្រងដោយរដ្ឋ បានផ្សាយនៅថ្ងៃទី២៧ ខែសីហានេះថា៖ «រដ្ឋសភានឹងបញ្ចប់ទាំងស្រុងនូវតំណែងជាប្រធានាធិបតី ក្នុងសម័យប្រជុំធម្មតារបស់ខ្លួន នាខែតុលា»។

ប្រធានាធិបតីបច្ចុប្បន្ន លោក To Lam ត្រូវបានតែងតាំងជាអគ្គលេខាធិការ ឬជាប្រធានបក្សកុម្មុយនីស្តដែលកំពុងកាន់អំណាច នៅខែសីហា បន្ទាប់ពីមរណភាពរបស់អ្នកកាន់តំណែងមុនរបស់លោក គឺលោក Nguyen Phu Trong។

លោក Trong បានកាន់តំណែងទាំង២ ក្នុងពេលតែមួយ រវាងខែតុលា ឆ្នាំ២០១៨ និងខែមេសា ឆ្នាំ ២០២១៕