រត់ចំងាយ៖ អត្តពលិកមកពីប្រទេស Burundi, Francine Niyonbasa បានបំបែកកំណត់ត្រាពិភពលោករត់ចំងាយ ២០០០ម៉ែត្រផ្នែកនារីក្រោយជ័យជំនះក្នុងព្រឹត្តិការណ៍ Continental Tour Gold នៅទីក្រុង Zagreb ប្រទេសក្រូអាស៊ី។
កីឡាការិនីវ័យ ២៨ឆ្នាំរូបនេះបានមកដល់ទីព្រ័ត្រមុនគេដោយប្រើថេរវេលា ២១.៥៦វិនាទី បំបែកកំណត់ត្រាចាស់ ២វិនាទីដែលធ្វើបានដោយកីឡាការិនី Genzebe Dibaba កាលពីឆ្នាំ២០១៧។ Niyonbasa ដែលជាជើងឯកពិភពលោក និងជាម្ចាស់មេដាយប្រាក់អូឡាំពិករត់ចំងាយ ៨០០ម៉ែត្រគឺអត្តពលិកម្នាក់ក្នុងចំណោមអត្តពលិកមួយចំនួន ដែលត្រូវបានហាមឃាត់មិនឱ្យប្រកួតរត់ចំងាយ ៤០០ម៉ែត្រ និង ១៥០០ម៉ែត្រដោយសារមានកំរិតសារធាតុហាមឃាត់ខ្ពស់កាលពីឆ្នាំ២០១៩។
កាលពីនៅព្រឹត្តិការណ៍អូឡាំពិកទីក្រុងតូក្យូ Niyonbasa បានបញ្ចប់នៅចំណាត់ថ្នាក់លេខ៥ ក្នុងវិញ្ញាសារត់ ១០០០០ម៉ែត្រ មុនពេលដែលថ្មីៗនេះនាងបានក្លាយជាកីឡាការិនីទី៥ ដែលរត់លឿនបំផុតក្នុងវិញ្ញាសារត់ ៣០០០ម៉ែត្រ៕
អត្ថបទ៖នាង សុភាវុធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
