ក្រិក៖ និស្សិត និងគ្រូបង្រៀនរាប់រយនាក់បានដើរក្បួននៅកណ្តាលទីក្រុងអាតែនកាលពីថ្ងៃពុធ តវ៉ាប្រឆាំងនឹងវិធានការថ្មីៗរបស់រដ្ឋាភិបាលប្រឆាំងនឹងជំងឺ COVID-19 ចំពោះសាលារៀន និងសាកលវិទ្យាល័យ។
សិស្សសាលា និងនិស្សិតសាកលវិទ្យាល័យរាប់ពាន់នាក់ ត្រូវអនុវត្តន៍តាមច្បាប់រួមទាំងផ្តល់ការធ្វើតេស្តអវិជ្ជមានវីរុសកូរ៉ូណា ឬភស្តុតាងនៃការចាក់វ៉ាក់សាំង។ ប្រទេសក្រិកកាលពីថ្ងៃចន្ទក៏បានណែនាំការធ្វើតេស្តប្រចាំសប្តាហ៍ ជាកាតព្វកិច្ចដល់កម្មករដែលមិនបានចាក់វ៉ាក់សាំងទាំងអស់ផងដែរ ខណៈព្យាយាមបង្កើនអត្រាចាក់វ៉ាក់សាំងដែលយឺត ជាងកម្រិតមធ្យមរបស់សហភាពអឺរ៉ុប។ បុគ្គលិកផ្នែកសាធារណៈ និងឯកជននឹងត្រូវបង់ប្រាក់សម្រាប់ការធ្វើតេស្តប្រចាំសប្តាហ៍ ឬយកប័ណ្ណចាក់វ៉ាក់សាំងដើម្បីបានចូលកន្លែងធ្វើការរបស់ពួកគេ ខណៈកុមារដែលមិនបានចាក់វ៉ាក់សាំងនៅវិទ្យាល័យ ដែលបានបើកឡើងវិញកាលពីថ្ងៃចន្ទត្រូវបានផ្តល់ឧបករណ៍ធ្វើតេស្ត ដោយរដ្ឋាភិបាលជាអ្នកចំណាយ។
ការរឹតត្បិតស្រដៀងគ្នានេះក៏នឹងអនុវត្តនៅពហុកីឡាដ្ឋាន សារមន្ទីរ និងតំបន់បុរាណវិទ្យា ក៏ដូចជាកន្លែងកម្សាន្តក្នុងតំបន់ រោងកុន និងភោជនីយដ្ឋានផងដែរ។ ប្រជាពលរដ្ឋក្រិកចំនួន ៥៦% ត្រូវបានចាក់វ៉ាក់សាំងបង្ការពេញលេញ ខណៈអត្រាជាមធ្យមនៅសហភាពអឺរ៉ុបមានត្រឹមតែជាង ៦០% ប៉ុណ្ណោះ។ គិតត្រឹមព្រឹកថ្ងៃព្រហស្បតិ៍នេះ ប្រទេសក្រិកមានអ្នកឆ្លងជំងឺCOVID-19 សរុបចំនួន ៦២២,៧៦១នាក់បន្ទាប់ពីមានអ្នកឆ្លងថ្មី ២,៤០៦នាក់ និងស្លាប់សរុបចំនួន ១៤,៣១១នាក់បន្ទាប់ពីមានអ្នកស្លាប់ថ្មី ៤៣នាក់ទៀត៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
