ក្រសួងបង្រួបបង្រួមនៃប្រទេសកូរ៉េខាង បាននិយាយនៅថ្ងៃសុក្រនេះថា ខ្លួនបានបោះពុម្ពជាភាសាអង់គ្លេសនៃរបាយការណ៍របស់ខ្លួនស្តីពីស្ថានភាពសេដ្ឋកិច្ច និងសង្គមរបស់កូរ៉េខាងជើង ក្នុងគោលបំណងជួយសហគមន៍អន្តរជាតិ ឲ្យយល់កាន់តែច្បាស់អំពីការផ្លាស់ប្តូរដែលកំពុងវិវឌ្ឍន៍ នៅក្នុងសង្គមកូរ៉េខាង   ជើង។

កាលពីខែកុម្ភៈ ក្រសួង បានចេញផ្សាយរបាយការណ៍ចំនួន ២៨០ទំព័រ ស្តីពីស្ថានភាពសេដ្ឋកិច្ច និងសង្គមរបស់ប្រទេសកូរ៉េខាងជើង ជាលើកដំបូង។ របាយការណ៍នេះ គឺផ្អែកលើការសម្ភាសន៍ស៊ីជម្រៅជាមួយអ្នករត់ចោលស្រុកកូរ៉េខាងជើងចំនួន ៦,៣៥១នាក់ ដែលបានធ្វើឡើង នៅចន្លោះឆ្នាំ ២០១៣ និង ២០២២ ។

របាយការណ៍នេះ បានបង្ហាញឲ្យឃើញថា ប្រជាជនកូរ៉េខាងជើងកាន់តែច្រើនឡើង សម្តែងការងឿងឆ្ងល់អំពីថា តើការស្នងអំណាចបន្តរបស់គ្រួសារលោកគីម ជុងអ៊ុន មានភាពស្របច្បាប់ដែរឬទេ ដោយបាគូសបញ្ជាក់ពីការផ្លាស់ប្តូរផ្សេងៗ នៅក្នុងសង្គមកូរ៉េខាងជើង រួមទាំងការដួលរលំនៃប្រព័ន្ធបែងចែករបបអាហារ និងការកើនឡើងនូវបទពិសោធនៃការទទួលបានព័ត៌មានពីខាងក្រៅ។

ក្រសួង ក៏បាននិយាយផងដែរថា៖«ជាមួយនឹងការបោះពុម្ពផ្សាយរបាយការណ៍ជាភាសាអង់គ្លេសនេះ យើងសង្ឃឹមថា សហគមន៍អន្តរជាតិ អាចយល់អំពីរបបកូរ៉េខាងជើង និងការពិតដែល នឹងប្រជាជនកូរ៉េខាងជើងកំពុងប្រឈម និងកិច្ចខិតខំប្រឹងប្រែងរួមគ្នា ដើម្បីកែលម្អស្ថានភាពនេះ»។