លេខានៅក្នុងក្រសួងការពារជាតិអាល្លឺម៉ង់ លោក Thomas Hitschler បាននិយាយថា គិតត្រឹមថ្ងៃទី ៣១ ខែសីហា ប្រទេសសហភាពអឺរ៉ុប នឹងបានបណ្តុះបណ្តាលទាហានអ៊ុយក្រែនចំនួន ៦0.000 នាក់ នៅលើទឹកដីរបស់ពួកគេ។

លោកបាននិយាយថា៖«គិតត្រឹមថ្ងៃស្អែកនេះ យើងនឹងសម្រេចបានគោលដៅគោលដៅរបស់យើង គឺទាហានអ៊ុយក្រែនចំនួន ៦0.០០០នាក់ ដែលត្រូវបានបណ្តុះបណ្តាលនៅសហភាពអឺរ៉ុប ដោយបានបន្ថែមថា ទាហានអ៊ុយក្រែន ១០.000នាក់ នឹងបញ្ចប់ការហ្វឹកហ្វឺនរបស់ពួកគេ នៅក្នុងប្រទេសអាល្លឺម៉ង់ នៅចុងឆ្នាំនេះ។

បេសកកម្មជំនួយផ្នែកយោធារបស់សហភាពអឺរ៉ុប ក្នុងការគាំទ្រអ៊ុយក្រែន (EUMAM Ukraine) ពាក់ព័ន្ធនឹងប្រទេសEU ចំនួន ២៤ ហើយត្រូវបានសហភាពអឺរ៉ុប ចាប់ផ្តើមនៅថ្ងៃទី ១៧ ខែតុលា ឆ្នាំ២០២២។ អាណត្តិរបស់បេសកកម្មនេះ ផុតកំណត់នៅក្នុងខែតុលា ប៉ុន្តែទីក្រុងប្រ៊ុចសែល មានបំណងបន្តវា។ យោងតាមប្រភពបើកចំហ ទាហានមួយចំនួនដែលត្រូវបានបណ្តុះបណ្តាល នៅសហភាពអឺរ៉ុប កំពុងចូលរួមក្នុងការលុកលុយប្រដាប់អាវុធ ចូលទៅក្នុងតំបន់ឃើស (Kursk)ព្រំដែនរបស់រុស្ស៊ី។