ក្រសួងការពារជាតិរបស់ប្រទេសនេះ បាននិយាយកាលពីថ្ងៃអាទិត្យថា យោធាទួរគី បាន «សម្លាប់» "ភេរវករ» ចំនួន ១៧នាក់ នៅក្នុងប្រតិបត្តិការនៅភាគខាងជើងប្រទេសអ៊ីរ៉ាក់ និងភាគខាងជើងស៊ីរី។

ក្រសួងបានបញ្ជាក់ថា សមាជិកគណបក្សពលករឃើដ (PKK) ចំនួន ១៥នាក់ ត្រូវបានសម្លាប់នៅភាគខាងជើងប្រទេសអ៊ីរ៉ាក់។ នៅក្នុងប្រតិបត្តិការដាច់ដោយឡែកមួយនៅក្នុងទីក្រុង Manbij ភាគខាងជើងនៃប្រទេសស៊ីរី សមាជិកពីរនាក់នៃអង្គភាពការពារប្រជាជនឃើដស៊ីរី (YPG) ក៏ត្រូវបានសម្លាប់ផងដែរ។

ជារឿយៗ អាជ្ញាធរទួរគីប្រើពាក្យ «សម្លាប់» នៅក្នុងសេចក្តីថ្លែងការណ៍របស់ពួកគេ ដើម្បីបញ្ជាក់ថា «ភេរវករ»ដែលត្រូវបានគេសង្ស័យ បានចុះចាញ់ ត្រូវបានសម្លាប់ ឬត្រូវបានចាប់ខ្លួន។

គណបក្សពលករឃើដ (PKK) ដែលត្រូវបានចុះបញ្ជីជាអង្គការភេរវកម្មដោយប្រទេសទួរគី សហរដ្ឋអាមេ រិក និងសហភាពអឺរ៉ុប បានបះបោរប្រឆាំងនឹងរដ្ឋាភិបាលទួរគី អស់រយៈពេលជាងបីទសវត្សរ៍មកហើយ។ ប្រទេសទួរគី បានចាត់ទុកអង្គភាពការពារប្រជាជនឃើដស៊ីរី (YPG) ជាសាខារបស់គណបក្សពលករ ឃើដ នៅប្រទេសស៊ីរី។

ប្រទេសទួរគី បាននិងកំពុងធ្វើប្រតិបត្តិការឆ្លងព្រំដែន នៅក្នុងប្រទេសអ៊ីរ៉ាក់និងស៊ីរី ដើម្បីកំណត់គោលដៅលោកលាក់ខ្លួនរបស់គណបក្សពលករឃើដ (PKK) និងអង្គភាពការពារប្រជាជនឃើដស៊ីរី (YPG)។