ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅក្នុងបទសម្ភាសន៍ជាមួយសារព័ត៌មាន Onoodor  daily របស់ប្រទេសម៉ុងហ្គោលីថា លោកខាងលិច បានប្រើប្រទេសអ៊ុយក្រែន ដើម្បីទាញយកផលប្រយោជន៍ ក្នុងការបន្តមហិច្ឆតាភូមិសាស្ត្រនយោបាយរបស់ខ្លួន។

លោក ពូទីន បាននិយាយថា៖«ប្រទេសអ៊ុយក្រែន កំពុងក្លាយទៅអ្វីដែលលោកខាងលិចបានប្រើ ដើម្បីទាញយកផលប្រយោជន៍ ក្នុងការសម្រេចបាននូវមហិច្ឆតាភូមិសាស្ត្រនយោបាយរបស់ខ្លួន»។

យោងតាមប្រធានាធិបតីរុស្ស៊ី «មូលហេតុចម្បងសម្រាប់ស្ថានភាពសោកនាដកម្មនាពេលបច្ចុប្បន្ន នៅអ៊ុយក្រែន គឺគោលនយោបាយប្រឆាំងនឹងរុស្ស៊ីដែលបន្តដោយខាងលិចរួមគ្នា ដែលដឹកនាំដោយសហរដ្ឋអាមេរិក»។

លោកបានបន្តថា៖«អស់រយៈពេលជាច្រើនទសវត្សរ៍មកហើយ ដែលពួកគេបានស្វែងរកការគ្រប់គ្រងទាំងស្រុងលើអ៊ុយក្រែន។ ពួកគេបានផ្តល់មូលនិធិដល់អង្គការជាតិនិយម និងប្រឆាំងរុស្ស៊ីនៅទីនោះ។ ពួកគេបានធ្វើការយ៉ាងខ្ជាប់ខ្ជួន ដើម្បីបញ្ចុះបញ្ចូលអ៊ុយក្រែនថា រុស្ស៊ីគឺជាសត្រូវគ្មានទីបញ្ចប់របស់ខ្លួន និងជាការគំរាមកំហែងដ៏ធំចំពោះស្ថិរភាពរបស់ពួកគេទាំងនោះ។