អ្នកតាំងលំនៅអ៊ីស្រាអែលរាប់ពាន់នាក់ រួមនឹងសហជីពរួមទាំងសហជីពដ៏ធំបំផុតរបស់អ៊ីស្រាអែល បានធ្វើកូដកម្ម ទូទៅកាលពីថ្ងៃចន្ទ ដើម្បីប្រឆាំងនឹងគោលនយោបាយរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ទាក់ទងនឹងចំណាប់ថ្នូរអ៊ីស្រាអែល និងបទឈប់បាញ់ក្នុងសង្រ្គាម នៅតំបន់ហ្កាហ្សា។

លោក បេហ្សាឡែល ស្មូតរិច (Bezalel Smotrich) រដ្ឋមន្ត្រីហិរញ្ញវត្ថុរបស់លោក ណេតាន់យ៉ាហ៊ូ បានទាមទារបញ្ជាភ្លាមៗពីអគ្គរដ្ឋអាជ្ញា នៃរបបនេះ ដើម្បីទប់ស្កាត់កូដកម្ម។

សាកលវិទ្យាល័យឃើដ ហ៊ីប្រ៊ូ (Quds Hebrew) បានប្រកាសថា ខ្លួនបានចូលរួមជាមួយសាកលវិទ្យាល័យ និងវិទ្យាស្ថានវិទ្យាសាស្ត្រផ្សេងទៀត នៅក្នុងកូដកម្មកាលពីថ្ងៃចន្ទ។

ទន្ទឹមនឹងនេះ ទូរទស្សន៍ប៉ុស្តិ៍លេខ 12 របស់របបអ៊ីស្រាអែល បានរាយការណ៍ថា រហូតមកដល់ពេលនេះ នគរបាល បានចាប់ខ្លួនអ្នកតាំងទីលំនៅយ៉ាងហោចណាស់ ២៩នាក់ ក្នុងអំឡុងពេលធ្វើកូដកម្ម នៅទីក្រុង តែលអាវីវ។

អ្នកតាំងលំនៅអ៊ីស្រាអែលរាប់ពាន់នាក់ បានដើរតាមដងផ្លូវនៃដែនដីប៉ាឡេស្ទីន ដែលគ្រប់គ្រងដោយអ៊ីស្រាអែល កាលពីយប់ថ្ងៃអាទិត្យ ហើយបានបង្ហាញពីកំហឹងរបស់ពួកគេចំពោះនាយករដ្ឋមន្ត្រីនៃរបបអ៊ីស្រាអែល លោក បេនចាមីន ណេតាន់យ៉ាហ៊ូ និងគណៈរដ្ឋមន្ត្រីរបស់លោក។