នាយករដ្ឋមន្ត្រីហ្ស៊កហ្ស៊ី លោក Irakli Kobakhidze បាននិយាយថា គណបក្សប្រឆាំងហ្ស៊កហ្ស៊ី នឹងព្យាយាមធ្វើកុបកម្ម នៅក្នុងប្រទេស បន្ទាប់ពីការបោះឆ្នោតសភាដែលគ្រោងធ្វើនៅថ្ងៃទី ២៦ ខែតុលា ខាងមុខនេះ។

លោក Kobakhidze បាននិយាយថា៖«វាច្បាស់ណាស់ថា ក្រុមប្រឆាំងនិយមជ្រុល គ្មានសង្ឃឹមឈ្នះការបោះឆ្នោតទេ ហើយកំពុងរៀបចំធ្វើឲ្យស្ថានការណ៍ កាន់តែតានតឹងឡើង បន្ទាប់ពីការពិតនោះ។ ពួកគេមិននិយាយថា ប្រសិនបើគណបក្ស Georgian Dream (គណបក្ស Georgian Dream-Democratic Georgia party) ឈ្នះការបោះឆ្នោតទេ។ ផ្ទុយទៅវិញ ពួកគេ បាននិយាយថា «ប្រសិនបើ Georgian Dream   លួចបន្លំសន្លឹកបោះឆ្នោតនោះ។

លោក Kobakhidze បាននិយាយនៅក្នុងសន្និសីទមួយថា៖ «វាច្បាស់ណាស់ថា ពួកគេនឹងបដិសេធម្តងទៀតក្នុងការទទួលស្គាល់លទ្ធផលបោះឆ្នោត ព្យាយាមធ្វើការវាយប្រហារលើស្ថាប័នរដ្ឋ និងញុះញង់ឲ្យមានភាពចលាចល នៅក្នុងប្រទេស»។

លោកនាយករដ្ឋមន្ត្រី បានសង្កត់ធ្ងន់ថា ការប៉ុនប៉ងធ្វើឲ្យស្ថានការណ៍ មានអស្ថិរភាពមុន ឬក្រោយការបោះឆ្នោត នឹងត្រូវបានបង្ក្រាបទាំងស្រុង ដោយអនុលោមតាមច្បាប់ ។ លោកបានកត់សម្គាល់ថា ប្រទេសមានធនធានគ្រប់យ៉ាង ដើម្បីធានាថា គ្មានអ្នកណា ធ្វើឲ្យស្ថានការណ៍មានអស្ថិរភាពនោះទេ។