អាជ្ញាធរដែនសមុទ្រ និងកំពង់ផែ (MPA) របស់ប្រទេសសិង្ហបុរី នៅថ្ងៃពុធ (ទី៤ ខែកញ្ញា) នេះ បាននិយាយថា ការស្វែងរកសមាជិកនាវិកដែលបាត់ខ្លួន កំពុងដំណើរការទៅ បន្ទាប់ពីនាវាសណ្ដោងបានលិចក្នុងដែនទឹករបស់សិង្ហបុរី។

អាជ្ញាធរបានប្រាប់ថា នាវាសណ្ដោងឈ្មោះ OSHIO បានលិចនៅតំបន់ Eastern Anchorage នៅវេលាម៉ោងប្រហែល ២ និង ១៥នាទីរសៀល (ម៉ោងនៅសិង្ហបុរី)។ សមាជិកនាវិក ២នាក់ ត្រូវបានគេរាយការណ៍ថា កំពុងជិះនៅលើនាវាសណ្ដោងនោះ នៅពេលកើតហេតុ ដែលបានកើតឡើងក្នុងព្រំដែនកំពង់ផែរបស់សិង្ហបុរី។

នគរបាលឆ្មាំសមុទ្រ (PCG) បានជួយសង្គ្រោះសមាជិកនាវិកម្នាក់វ័យ ៣៩ឆ្នាំ ហើយរូបគេត្រូវបានបញ្ជូនទៅកាន់មន្ទីរពេទ្យ ដែលក្រោយមកស្លាប់នៅទីនោះ។ MPA បាននិយាយថា ខ្លួនកំពុងសម្របសម្រួលប្រតិបត្តិការស្វែងរក និងជួយសង្គ្រោះជាមួយ PCG និងកងកម្លាំងការពារស៊ីវិលសិង្ហបុរី (SCDF) សម្រាប់សមាជិកនាវិកផ្សេងទៀត។

អាជ្ញាធរបានប្រាប់ថា៖ «MPA បានចាប់ផ្ដើមសកម្មភាពរបស់អ្នកមុជទឹកជួយសង្គ្រោះ ដើម្បីបញ្ជាក់ពីទីតាំងនៃទូកដែលលិច សម្រាប់ប្រតិបត្តិការជួយសង្គ្រោះ និងកំពុងចេញការផ្សព្វផ្សាយ អំពីការធ្វើនាវាចរណ៍ សម្រាប់នាវានានា ដើម្បីបន្តបោសសម្អាតតំបន់នោះ»។

យ៉ាងណាក្ដី អាជ្ញាធរបានបន្ថែមថា គ្មានការបង្កកខ្វក់ពីប្រេង ត្រូវបានរាយការណ៍នោះឡើយ៕