ចំហេះព្រៃ បានគ្របដណ្ដប់លើទីក្រុង Quito ប្រទេសអេក្វាឌ័រ ដោយមានផ្សែងយ៉ាងក្រាស់ ខណៈក្រុមអ្នកពន្លត់អគ្គិភ័យ និងអ្នកស្ម័គ្រចិត្ត បានប្រឹងប្រែងពន្លត់ភ្លើងព្រៃ កាលពីថ្ងៃពុធ។

យោងតាមអភិបាលក្រុង Quito លោក Pabel Munoz Lopez បាននិយាយថា អគ្គិភ័យចំនួនបួនកន្លែង បានឆាបឆេះឡើងកាលពីថ្ងៃពុធ ហើយមានតែមួយកន្លែងប៉ុណ្ណោះ អាចគ្រប់គ្រងបាន។

លោក Munoz និយាយថា ដោយសារតែចំហេះព្រៃ គុណភាពខ្យល់ បានធ្វើឲ្យរងផលប៉ះពាល់យ៉ាងខ្លាំងនៅក្នុងទីក្រុង ជាពិសេសនៅមជ្ឈមណ្ឌលភាគខាងជើង។

នៅតាមដងផ្លូវក្នុងទីក្រុង Quito ប្រជាជនដែលមានរបាំងមុខ និងសត្វពាហៈនៈ ត្រូវបានគេឃើញ ដើរកាត់ផ្សែងក្រាស់ ដែលបានគ្របដណ្តប់មកលើទីក្រុងនេះ។

អាជ្ញាធរ បានរាយការណ៍ថា នៅពេលនេះ ពុំមានអ្នករងរបួស ឬស្លាប់ទេ ហើយមូលហេតុនៃចំហេះព្រៃក៏នៅមិនទាន់ដឹងច្បាស់នៅឡើយ។