ទំនប់អាងទឹកអូរតេ គឺជាទំនប់ស្ទាក់ទឹកបេតុង ប្រវែង ៣០៦ម៉ែត្រ ដោយអាចផ្គត់​ផ្គង់​ទឹក​ស្អាត​បាន​ចំនួន ១២លានម៉ែត្រត្រីគុណ ស្ថិតនៅក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី ។ ទំនប់នេះ បានជួយកាត់បន្ថយហានិភ័យ នៃគ្រោះមហន្តរាយធម្មជាតិ ដែល​បង្ក​ឡើង​ដោយ​ជំនន់​គ្រប់​ប្រភេទ និងគ្រោះរាំងស្ងួតដែលតែងតែកើតមានឡើងក្នុងបរិបទនៃការប្រែប្រួលអាកាសធាតុ និង​ការឡើងកម្តៅនៃភពផែនដី ។ បន្ថែមពីនេះ​ ក៏បាន​ជួយ​សម្រួល​ដល់​ការ​ប្រើ​ប្រាស់​ទឹក​ជា​ប្រចាំ​ថ្ងៃ​របស់​ប្រជាពលរដ្ឋ និងរក្សាបាននូវបរិស្ថានបៃតងជាប់ជាប្រចាំផងដែរ ។