បាតុករគាំទ្រប៉ាឡេស្ទីនរាប់ម៉ឺននាក់ បានប្រមូលផ្តុំគ្នានៅទីក្រុងឡុងដ៍ កាលពីថ្ងៃសៅរ៍ ដោយជំរុញឲ្យរដ្ឋាភិបាលអង់គ្លេសបញ្ឈប់ការផ្គត់ផ្គង់អាវុធដល់អ៊ីស្រាអែល។

មនុស្សប្រហែល ២៥.000នាក់ បានចូលរួមក្នុងព្រឹត្តិការណ៍នេះ ដោយក្រុមបាតុករ បានដើរហែក្បួនពី  កណ្តាលទីក្រុងឡុងដ៍ ទៅកាន់ស្ថានទូតអ៊ីស្រាអែល នៅក្នុងចក្រភពអង់គ្លេស។

នគរបាលទីក្រុងឡុង ដ៍បានការរៀបចំ ដោយដាក់ការរឹតបន្តឹងយ៉ាងតឹងរ៉ឹងលើទីតាំង និងពេលវេលានៃបាតុកម្ម ដើម្បីទប់ស្កាត់ជម្លោះ។ បាតុករខ្លះ នៅតែត្រូវបានគេមើលឃើញថា ត្រូវបាននគរបាលចាប់យក  ចេញពីកន្លែងប្រមូលផ្តុំគ្នានោះ។

លោក Abbas Sadiq ដែលជាបាតុករម្នាក់ បាននិយាយថា៖« ខ្ញុំមិនសប្បាយចិត្តចំពោះការសម្រេចចិត្តដែលពួកគេ កំពុងធ្វើ និងពេលវេលាដែលពួកគេកំពុងធ្វើការសម្រេចចិត្តទាំងនោះ។ ដូច្នេះយើងចង់បានដូចជាការដាក់ទណ្ឌកម្មលើអ៊ីស្រាអែល។ ទោះបីជាពួកគេបានផ្អាកការលក់អាវុធទៅឲ្យក្រុមហ៊ុនចំនួន ៣០ ក្នុងចំណោមក្រុមហ៊ុន ៣៥៩ ក៏ដោយ យើងពិតជាចង់ឲ្យពួកគេ ផ្អាកការលក់អាវុធទាំងអស់»។

រដ្ឋាភិបាលចក្រភពអង់គ្លេស កាលពីថ្ងៃទី៣ ខែកញ្ញា បានប្រកាសព្យួរអាជ្ញាប័ណ្ណនាំចេញអាវុធមួយចំនួនទៅកាន់ អ៊ីស្រាអែល ។

រដ្ឋមន្ត្រីការបរទេសលោក David Lammy បានជូនដំណឹងដល់សមាជិកសភា នៅក្នុងសភាថា អាជ្ញាប័ណ្ណប្រហែល ៣០ ក្នុងចំណោមអាជ្ញាប័ណ្ណសរុបប្រហែល ៣៥០ ត្រូវបានព្យួរ។