​បាល់ទាត់៖ ​ក្រុម​ការពារ​តំណែង​ជើងឯក Carabao Cup, Manchester City បាន​ឈានឡើង​វគ្គ ១៦ក្រុម​ចុងក្រោយ​ហើយ​ក្រោយ​វាយបក​ពីក្រោយ​យកឈ្នះ Wycombe Wanderer ៦-១ យប់​ថ្ងៃ​អង្គារ​ម្សិលមិញ​។

​​ក្រុម​ភ្ញៀវ​បាន​នាំ​មុខមុន​នៅ​នាទី​ទី២២ ដោយ Brandon Hanlan មុនពេល​ដែល Manchester City តាម​ស្មើ​វិញ ៧នាទី​ក្រោយមក​។ ​​Riyad Mahrez មុន​ចប់​វគ្គ​ទី១ ក៏​រកបាន​គ្រាប់​នាំមុខ​លើកដំបូង​នៅ​នាទី​ទី៤៣ មុនពេល​ដែល Phil Foden បន្ថែម​មួយគ្រា​ប់​ទៀត​នាទី​ទី៤៥+១​។​ ​ចូល​វគ្គ​ទី២ Ferran Torres, Riyad Mahrez និងកីឡាករ​វ័យ ១៩ឆ្នាំ Cole Palmer រកបាន​ម្នាក់​មួយទៀត​ឱ្យ Manchester City យកឈ្នះ Wycombe ៦-១​។ ការប្រកួត​យប់មិញ​នេះ Manchester City បានដាក់​បញ្ចូល​កីឡាករ​យុវជន​ជាច្រើន​ដូចជា Conrad Egan-Riley, Luke Mbete, Finley Burns, Josh Wilson-Esbrand និង Romeo Lavia​។

​

​​ជ័យជំនះ​នេះ​មានន័យថា Manchester City មិន​ចាញ់​សោះ​នៅពាន Carabao Cup នេះ​តាំងពី​ខែតុលា​ ឆ្នាំ២០១៦ និង​ឈានឡើង​វគ្គ ១៦ក្រុម​ចុងក្រោយ ៥រដូវ​កាល​ជាប់​គ្នា​។ ​​លទ្ធផល​សំខាន់ៗ​ផ្សេងទៀត​មានដូចជា Brentford យកឈ្នះ Oldham ៧-០, Burnley យកឈ្នះ Rochdale ៤-១, Fulham និង Leeds ០-០ ហើយ Leeds ឈ្នះ​ដោយ​បាល់ ១១ម៉ែត្រ​កាត់សេចក្តី, Liverpool យកឈ្នះ​នៅ​ទឹកដី Norwich ៣-០៕

​អត្ថបទ​៖​នាង សុភា​វុ​ធ