រដ្ឋមន្ត្រីការបរទេសអាមេរិក លោក អង់តូនី ប្ល៊ីនខិន (Antony Blinken) បាននិយាយក្នុងអំឡុងសន្និសីទសារព័ត៌មាន ជាមួយសមភាគីអង់គ្លេស និងអ៊ុយក្រែនថា រដ្ឋបាលអាមេរិក នឹងបញ្ជូនប្រព័ន្ធការពារដែនអាកាសបន្ថែមទៀត ទៅកាន់ប្រទេសអ៊ុយក្រែន ក្នុងប៉ុន្មានសប្តាហ៍ខាងមុខនេះ។

ប្រមុខការទូតអាមេរិករូបនេះ បាននិយាយថា៖«នៅឯកិច្ចប្រជុំកំពូលរបស់អង្គការណាតូកាលពីខែកក្កដា លោកប្រធានាធិបតី ចូ បៃដិន បានសន្យាថា នឹងបំពាក់ប្រព័ន្ធការពារដែនយុទ្ធសាស្ត្រចំនួន ៥គ្រឿង និងប្រព័ន្ធការពារដែនអាកាសតាក់ទិចរាប់សិបគ្រឿង។ យើងបានបញ្ជូនប្រព័ន្ធការពារដែនអាកាសយុទ្ធសាស្ត្រទាំងនោះ នៅប៉ុន្មានសប្តាហ៍ខាងមុខនេះ នឹងបន្តបន្ថែមប្រព័ន្ធការពារដែនអាកាសរបស់អ៊ុយក្រែនតទៅទៀត។

នៅពេលធ្វើអត្ថាធិប្បាយអំពីអរិភាពក្នុងប្រទេសអ៊ុយក្រែន លោកបានសង្កត់ធ្ងន់ថា ប្រទេសនេះ មាន    «ពេលវេលាដ៏លំបាក» ដោយសារតែសកម្មភាពរបស់រុស្ស៊ីក្នុងអំឡុងពេលប្រតិបត្តិការយោធាពិសេស។

កាលពីសប្តាហ៍មុន រដ្ឋមន្ត្រីការពារជាតិអាមេរិក លោក Lloyd Auston បាននិយាយថា សហរដ្ឋអាមេរិកបានផ្តល់ជំនួយជាង ៤ពាន់លានដុល្លារដល់អ៊ុយក្រែន ដោយផ្តោតលើប្រព័ន្ធការពារដែនអាកាស និងរថពាសដែក។