ពលរដ្ឋអាមេរិកបីនាក់ ស្ថិតក្នុងចំណោមជនជាប់ចោទ៣៧នាក់ ដែលត្រូវបានកាត់ទោសប្រហារជីវិតដោយតុលាការយោធា កាលពីថ្ងៃសុក្រ ទី១៣ ខែកញ្ញា សម្រាប់តួនាទីរបស់ពួកគេនៅក្នុងរដ្ឋប្រហារដែលបរាជ័យ នៅសាធារណរដ្ឋប្រជាធិបតេយ្យកុងហ្គោ កាលពីខែឧសភា។

ជនជាប់ចោទជនជាតិអាមេរិកទាំងបីនាក់ ត្រូវបានរកឃើញថាមានពិរុទ្ធពីបទសមគំនិតឧក្រិដ្ឋកម្ម អំពើភេរវកម្ម និងបទចោទប្រកាន់ផ្សេងទៀត ហើយត្រូវបានកាត់ទោសប្រហារជីវិតនៅក្នុងសេចក្តីសម្រេចដែលត្រូវបានអាន តាមទូរទស្សន៍ផ្សាយផ្ទាល់។

សាលក្រមនេះ ត្រូវបានអាននៅក្រោមតង់មួយ ក្នុងទីធ្លានៃពន្ធនាគារយោធា Ndolo នៅជាយក្រុង Kinshasa ។

ជនប្រដាប់អាវុធ បានចូលកាន់កាប់ការិយាល័យប្រធានាធិបតីរយៈពេលខ្លី នៅក្នុងរដ្ឋធានី Kinshasa កាលពីថ្ងៃទី១៩ ខែឧសភា មុនពេលមេដឹកនាំរបស់ពួកគេ ជាអ្នកនយោបាយកុងហ្គោ មានមូលដ្ឋាននៅសហរដ្ឋអាមេរិក លោក Christian Malanga ត្រូវបានសម្លាប់ដោយកងកម្លាំងសន្តិសុខ។

កូនប្រុសរបស់លោក ឈ្មោះ Marcel Malanga ស្ថិតក្នុងចំណោមពលរដ្ឋអាមេរិក ដែលត្រូវជម្រះក្តី រួមជាមួយនឹងមិត្តភ័ក្តិរបស់ Marcel ឈ្មោះ Thompson។

ពលរដ្ឋអាមេរិកទាំងនេះ ស្ថិតក្នុងចំណោមមនុស្សប្រមាណ៥០នាក់ រួមមានទាំងពលរដ្ឋអង់គ្លេស កាណាដា បែលហ្ស៊ិក និងកុងហ្គោ ត្រូវបានកាត់ទោសបន្ទាប់ពីរដ្ឋប្រហារបរាជ័យ។

ជនជាប់ចោទសរុប ៣៧ នាក់ ត្រូវបានកាត់ទោសប្រហារជីវិត។