ប្រធានាធិបតីប្រទេសអាហ្សង់ទីន លោក Javier Milei បាននិយាយក្នុងអំឡុងពេលធ្វើបទបង្ហាញទៅកាន់សភា កាលពីថ្ងៃអាទិត្យ ទី១៥ ខែកញ្ញា អំពីថវិកាឆ្នាំ២០២៥ ថា លោកនឹងការពារការប្តេជ្ញាចិត្តរបស់រដ្ឋាភិបាលលោក ដើម្បីរក្សាតុល្យភាពសារពើពន្ធ និងប្រសើសិទ្ធិវេតូ រាល់សេចក្តីស្នើច្បាប់ណា ដែលគំរាមកំហែងដល់តុល្យភាពសារពើពន្ធ។

លោកបញ្ជាក់ថា លោកនឹងពិចារណាលើការបង្កើនការចំណាយ ប្រសិនបើការចំណាយនៅកន្លែងផ្សេងទៀតត្រូវកាត់បន្ថយក្នុងកម្រិតស្មើគ្នា។ លោកនិយាយក្នុងសុន្ទរកថានៅចំពោះមុខសភា ថា «គម្រោងថវិកា ដែលយើងកំពុងធ្វើបទបង្ហាញនៅទីនេះ មានវិធីសាស្រ្តដែលការពារតុល្យភាពសារពើពន្ធ ដោយមិនគិតពីសេណារីយ៉ូសេដ្ឋកិច្ច» ។

លោក Milei ដែលបានចូលកាន់តំណែងកាលពីខែធ្នូ បានអនុម័តវិធានការរឹតត្បិតថវិកាដ៏តឹងរ៉ឹង ដើម្បីដោះស្រាយអតិផរណាដែលកំពុងកើនឡើង និងធ្វើឱ្យសេដ្ឋកិច្ចមានស្ថិរភាព ហើយបានហៅកញ្ចប់ថវិកាដែលមានតុល្យភាពថា មិនអាចកែសម្រួលបាន។

ពង្រាងថវិកា ព្យាករ ថា សេដ្ឋកិច្ចនឹងកើនឡើង ៥% នៅឆ្នាំ២០២៥ ដោយមានអតិផរណា ១៨,៣% ហើយអត្រាប្តូរប្រាក់ឈានដល់ ១.២០៧ ប៉េសូក្នុងមួយដុល្លារនៅចុងឆ្នាំនេះ ហើយផលិតផលក្នុងស្រុកសរុបនឹងកើនឡើង ៥% ក្នុងឆ្នាំ២០២៦ និង ៥,៥% ក្នុងឆ្នាំ២០២៧។