ប្រធានាធិបតីអ៊ីរ៉ង់ លោក Masoud Pezeshkian បានសង្កត់ធ្ងន់លើសារៈសំខាន់ជាយុទ្ធសាស្ត្រនៃការធ្វើឲ្យទំនាក់ទំនងកាន់តែស៊ីជម្រៅរវាងអ៊ីរ៉ង់ និងរុស្ស៊ី ដោយបញ្ជាក់ថា ការពង្រឹងទំនាក់ទំនងទ្វេភាគី នឹងធ្វើឲ្យចុះខ្សោយនូវផលប៉ះពាល់នៃទណ្ឌកម្ម និងវិធានការអយុត្តិធម៌ ដែលដាក់លើប្រទេសទាំងពីរ។

នៅក្នុងជំនួបជាមួយលោក Sergei Shoigu លេខាក្រុមប្រឹក្សាសន្តិសុខរុស្ស៊ី លោកប្រធានាធិបតី Pezeshkian បានទទួលស្គាល់កិច្ចសហប្រតិបត្តិការដ៏យូរអង្វែងរវាងប្រជាជាតិទាំងពីរ។

លោកបានគូសបញ្ជាក់ថា ភាពជាដៃគូរវាងទីក្រុងតេអេរ៉ង់ និងទីក្រុងមូស្គូ គឺស្ថិតនៅលើមាគ៌ានៃការរីកចម្រើនប្រកបដោយស្ថិរភាព និងយូរអង្វែង។

លោក Pezeshkian ក៏បានបញ្ជាក់សាជាថ្មីថា រដ្ឋាភិបាលអ៊ីរ៉ង់ នៅតែប្តេជ្ញាជំរុញគំនិតផ្តួចផ្តើមបច្ចុប្បន្ន សំដៅលើកកម្ពស់ទំនាក់ទំនងលើវិស័យផ្សេងៗ។ «ការពង្រឹងកិច្ចសហប្រតិបត្តិការរវាងអ៊ីរ៉ង់ និងរុស្ស៊ី នឹងកាត់បន្ថយប្រសិទ្ធភាពនៃទណ្ឌកម្ម និងសកម្មភាពអរិភាព ដែលកំណត់ទៅលើប្រទេសទាំងពីរ»។

លោកបានគូសបញ្ជាក់ថា ការអភិវឌ្ឍទំនាក់ទំនងរវាងទីក្រុងតេអេរ៉ង់ និងទីក្រុងមូស្គូ គឺស្ថិតនៅលើមាគ៌ា បន្ត និងយូរអង្វែង។