លោកឧត្តមនាវីឯក Roman Tolok ប្រធាននាយកដ្ឋានឆ្មាំឆ្នេរសមុទ្រនៃសេវាព្រំដែននៃសេវាសន្តិសុខសហព័ន្ធរុស្ស៊ី (FSB) បានរាយការណ៍ថា សមយុទ្ធឆ្មាំសមុទ្ររួមគ្នារវាងរុស្ស៊ី-ចិន « Pacific Patrol - 2024" ត្រូវបានធ្វើឡើងដោយជោគជ័យ នៅទីក្រុង Peter the Great Gulf ក្នុងតំបន់ Primorsky។ 

លោកក៏បានប្រកាសថា សមយុទ្ធបែបនេះ នឹងត្រូវធ្វើឡើងជារៀងរាល់ឆ្នាំ ចាប់ពីពេលនេះទៅ។

លោក Tolok បានថ្លែងថា ៖«សមយុទ្ធនេះ ទទួលបានជោគជ័យ ហើយយើងនឹងពិនិត្យមើលវគ្គនីមួយៗឲ្យបានលម្អិតលើកម្រិតវិជ្ជាជីវៈ។ យើងគ្រោងនឹងធ្វើសមយុទ្ធទាំងនេះ ឲ្យបានទៀងទាត់ ជារៀងរាល់ឆ្នាំ។ ឆ្មាំសមុទ្រចិន នឹងមកលេងយើងមួយឆ្នាំម្តង ហើយឆ្នាំបន្ទាប់ យើងនឹងធ្វើដំណើរទៅកំពង់ផែមួយរបស់ប្រទេសចិន ដើម្បីជួបជាមួយមិត្តភ័ក្តិ និងសហការីរបស់យើងនៅទីនោះ ដូច្នេះយើងនឹងធ្វើសមយុទ្ធ     ស្រដៀងគ្នានេះ»។

លោកបានបន្ថែមថា ការងារហ្វឹកហ្វឺននាពេលអនាគត នឹងកាន់តែស្មុកស្មាញ ដែលអនុញ្ញាតឲ្យនាវិកនាវា និងយន្តហោះ អនុវត្ត «យោងទៅតាមគោលការណ៍ Suvorov៖ សមយុទ្ធរឹង ធ្វើឲ្យសមរភូមិងាយស្រួល»។ លោកឧត្តមនាវីឯក ក៏បានកត់សម្គាល់ផងដែរថា សមយុទ្ធនេះ គឺជាលើកទី១ ដែលនាវាឆ្មាំឆ្នេរសមុទ្រចិននៃកងទ័ពជើងទឹករំដោះប្រជាជនចិន បានមកកាន់ទីក្រុងVladivostok។