មន្រ្តីសុខភាពរបស់អង្គការសហប្រជាជាតិ(UN) និយាយនៅថ្ងៃសុក្រនេះថា វាអាចលទ្ធភាពក្នុងការបញ្ចប់ការរីករាលដាលឆ្លងជំងឺអុតស្វាក្នុងប្រទេសប៊ូរុនដី ត្រឹមរយៈពេលប៉ុន្មានសប្តាហ៍ ប៉ុន្តែកាវិវត្តនៅក្នុងប្រទេសដែលរងផលប៉ះពាល់ខ្លាំងជាងគេបំផុតទី ២នៅអាហ្វ្រិកមួយនេះ គឺអាស្រ័យលើការទទួលបានធនធានគ្រប់គ្រាន់ ហើយនិងការមិនអើពើនឹងការរីករាលដាលជំងឺ ។

 អង្គការសុខភាពពិភពលោក(WHO) បានប្រកាសការរីករាលដាលជំងឺអុតស្វាថាស្ថិតក្នុងគ្រាអាសន្នកាលពីខែសីហា ប៉ុន្តែជំងឺបំប្លែងថ្មី ត្រូវបានគេរកឃើញ ។

 ប្រទេសប៊ូរុនឌី បានរាយការណ៍ករណីឆ្លងជិត ៦០០នាក់ ដែលស្ថិតនៅចំណាប់ថ្នាក់ទី ២បន្ទាប់ពីសាធារណរដ្ឋកុងហ្គោ ប៉ុន្តែការរីករាលដាលត្រូវបានទប់ស្កាត់ជាប់នៅតាមតំបន់មានកំណត់ ហើយគ្មានករណីស្លាប់ ត្រូវបានរាយការណ៍នោះឡើយ ។

 លោក Paul Ngwakum គឺជាទីប្រឹក្សាសុខភាពក្នុងតំបន់អាហ្វ្រិកខាងត្បូង និងអាហ្វ្រិកខាងកើត សម្រាប់មូលនិធិកុមារអន្តរជាតិ UNICEF និយាយថា វាអាចទៅរួចក្នុងការបញ្ចប់ការរីករាលដាលជំងឺមួយនេះ ត្រឹមរយៈប៉ុន្មានសប្តាហ៍ ។

 លោកបន្តថា កត្តាមួយក្នុងចំណោមកត្តាសំខាន់ៗ គឺត្រូវលើកកម្ពស់ការយល់ដឹងពីជំងឺមួយនេះ ។

 UNICEF បានអំពាវនាវសុំមូលនិធិជិត ៦០លានដុល្លារ សម្រាប់ប្រទេសប៊ូរុនឌី និងប្រទេស ៥ផ្សេងទៀត ៕