​យោងតាមព្រឹត្តិបត្រព័ត៌មាន និងព្យាករណ៍កម្ពស់ទឹករបស់ក្រសួងធនធានទឹក និងឧតុនិយម នាព្រឹក​ថ្ងៃទី២២ ខែកញ្ញា ឆ្នាំ២០២៤នេះ បានឲ្យដឹងថា ស្ថានភាពទឹកទន្លេនៅ​តាមស្ថានីយជល​សាស្ត្រ​ទន្លេមេគង្គ ទន្លេសាប និង​ទន្លេបាសាក់ ទឹកបាន​និង​កំពុង​ឡើងបន្តិចបន្តួច។

អាស្រ័យហេតុនេះ ក្រសួងបានអំពាវនាវដល់ក្រសួង-ស្ថាប័ន អាជ្ញាធរដែនដីពាក់ព័ន្ធ និងបង​ប្អូន​ប្រជា​ពលរដ្ឋដែលរស់នៅតាមដងទន្លេមេគង្គ ទន្លេសាប និងទន្លេបាសាក់ បង្កើន​ការ​យក​ចិត្ត​ទុក​ដាក់​ប្រុង​ប្រយ័ត្ន​ខ្ពស់ ដើម្បីជៀសវាងគ្រោះថ្នាក់ផ្សេងៗដែលអាចកើតមានឡើងជាយថាហេតុ។