ចាន់ វឌ្ឍនាកា និង​កីឡាករ ៣៥​រូប​ទៀត​ត្រូវ​បាន​កោះហៅ​ត្រៀម​ប្រកួត​ជម្រុះ Asian Cup និង AFC U23

ចាន់ វឌ្ឍនាកា និងកីឡាករ ៣៥រូបទៀតត្រូវបានកោះហៅត្រៀមប្រកួតជម្រុះ Asian Cup និង AFC U23

បាល់ទាត់៖ សហព័ន្ធកីឡាបាល់ទាត់កម្ពុជា (FFC) បានបង្ហាញបញ្ជីឈ្មោះកីឡាករ ៣៦នាក់ដើម្បីត្រៀមការប្រកួតពានរង្វាន់ទ្វីបអាស៊ីចំនួន ២ គឺការប្រកួតជម្រុះពានរង្វាន់ AFC Asian Cup China 2023 Qualifiers (Play-Off) នៅប្រទេសបារ៉ែន និងពានរង្វាន់ AFC U23 Asian Cup Uzbekistan 2022-Qualifiers នៅប្រទេសជប៉ុន ក្នុងនោះក៏មានវត្តមាន ចាន់ វឌ្ឍនាកា ផងដែរបន្ទាប់ពីខកខានជាប់ជម្រើសជាតិអស់ជាច្រើនឆ្នាំ។

សម្រាប់បញ្ជីឈ្មោះកីឡាករ ៣៦នាក់ដែលជ្រើសរើសដោយគ្រូបង្វឹកលោក Ryu Hirose ក្រោមការដឹកនាំរបស់អ្នកចាត់ការទូទៅលោក Keisuke Honda នេះរួមមានកីឡាករព្រះខ័នរាជស្វាយរៀង ៤រូប, ភ្នំពេញក្រោន ៤រូប, បឹងកេត ៥រូប, ព្រៃវែង ៦រូប, វិសាខា ៧រូប, ណាហ្គាវើលដ៏ ៣រូប, កងយោធពលខេមរភូមិន្ទ ៣រូប, អង្គរថាយហ្គឺរ ២រូប, សូលទីអង្គរ ១រូប និងសមាជិកក្រុមយុវជនសាលាបាល់ទាត់ជាតិបាទី ១រូប។ ប៉ុន្ដែអ្វីដែលគួរឲ្យចាប់អារម្មណ៍ កីឡាករត្រូវបានកោះហៅលើកនេះមានការផ្លាស់ប្ដូរមួយចំនួន បើធៀបនឹងក្រុមជម្រើសជាតិដែលបានប្រកួតជម្រុះពានរង្វាន់បាល់ទាត់ពិភពលោក នៅប្រទេសបារ៉ែនកាលពីថ្មីៗ ក្នុងនោះលោក Ryu Hirose បានផ្ដល់ឱកាសឲ្យកីឡាករវ័យក្មេងជាច្រើន ដើម្បីត្រៀមការប្រកួតកម្រិតទ្វីបអាស៊ីនេះពិសេសត្រៀមការប្រកួត AFC U23 Asian Cup Uzbekistan 2022-Qualifiers តែម្ដង។

សម្រាប់ការប្រកួតជម្រុះពានរង្វាន់ AFC Asian Cup China 2023 ក្រុមគោព្រៃកម្ពុជានឹងត្រូវជួបក្រុមកោះហ្គាំ នៅលើទឹកដីកណ្ដាលនាប្រទេសបារ៉ែនទាំង ២ជើងនាថ្ងៃទី០៩ និងថ្ងៃទី១២ ខែតុលា។ ចំណែកការប្រកួត AFC U23 Asian Cup Uzbekistan 2022-Qualifiers ដែលក្រុម U23 កម្ពុជាស្ថិតក្នុងពូល K ជាមួយហុងកុង និងម្ចាស់ផ្ទះជប៉ុននឹងត្រូវប្រកួតនាចុងខែតុលា ពោលគឺកម្ពុជាប៉ះហុងកុងនាថ្ងៃទី២៣-តុលា និងជួបជប៉ុននាថ្ងៃទី២៦-តុលា ឆ្នាំ២០២១ នេះ៕

អត្ថបទ៖ លី ឈុនឡា

អត្ថបទដែលទាក់ទង

វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត

Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន

មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

បណ្ដាញសង្គម

ព័ត៌មានចុងក្រោយ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ចាន់ វឌ្ឍនាកា និងកីឡាករ ៣៥រូបទៀតត្រូវបានកោះហៅត្រៀមប្រកួតជម្រុះ Asian Cup និង AFC U23