ប្រធានាធិបតីជាប់ឆ្នោតឆ្វេងនិយមរបស់ប្រទេសស្រីលង្កាកាលពីថ្ងៃអាទិត្យ ២២កញ្ញា បានអញ្ជើញជនរួមជាតិរបស់លោកឱ្យជួយលោកសរសេរឡើងវិញនូវប្រវត្តិសាស្រ្តនៅក្នុងប្រទេសកោះ ដែលបានជួបប្រទះការដួលរលំសេដ្ឋកិច្ច បន្ទាប់ពីបានឈ្នះការបោះឆ្នោត រួមរឹតដោយវិបត្តិហិរញ្ញវត្ថុមិនធ្លាប់មាន។  

លោក អាណារុ គូម៉ារុ ឌីសាណាយ៉ាកិ (Anura Kumara Dissanayake) មេដឹកនាំនៃរណសិរ្សរំដោះប្រជាជនវ័យ៥៥ឆ្នាំត្រូវបានប្រកាសថាជាអ្នកឈ្នះនៃការស្ទង់មតិកាលពីចុងសប្តាហ៍ដោយទទួលបានសំឡេងឆ្នោតគាំទ្រជិត ១,៣ លានសំឡេង ច្រើនជាងគូប្រជែងរបស់លោក។ 

មេដឹកនាំដែលគេមិនធ្លាប់ស្គាល់ ដោយគណបក្សរបស់លោកទទួលបានសំឡេងតិចជាង៤% ក្នុងការបោះឆ្នោតសភាកាលពី៤ឆ្នាំមុន បានមើលឃើញសន្ទុះនៃការគាំទ្រកើនឡើងខ្លាំង ខណៈ ការធ្លាក់ចុះសេដ្ឋកិច្ចបានបង្ខំឱ្យមានការលំបាករាលដាលទូទាំងប្រទេសស្រីលង្កា។

លោកបាននិយាយនៅក្នុងសេចក្តីថ្លែងការណ៍មួយភ្លាមៗបន្ទាប់ពីការប្រកាសថា "ក្តីសុបិន្តដែលយើងបានចិញ្ចឹមបីបាច់ជាច្រើនសតវត្សមកហើយ ទីបំផុតបានក្លាយជាការពិត" ។ 

លោកបានបន្ថែមថា ជ័យជម្នះនេះជារបស់យើងទាំងអស់គ្នា។ ភ្នែករាប់លានដែលពោរពេញដោយក្តីសង្ឃឹម និងការរំពឹងទុក ជំរុញយើងឆ្ពោះទៅមុខ ហើយរួបរួមគ្នា យើងត្រៀមខ្លួនដើម្បីសរសេរប្រវត្តិសាស្រ្តរបស់ប្រទេសស្រីលង្កាឡើងវិញ៕