អាជ្ញាធរបានរាយការណ៍ថា មិនទាន់មានការចាប់ខ្លួនភ្លាមៗនៅឡើយទេ បន្ទាប់ពីការបាញ់ប្រហារសំដៅក្រុមមនុស្សដ៏ច្រើន កាលពីចុងសប្តាហ៍ បានសម្លាប់មនុស្ស ៤នាក់ ហើយ ១៧នាក់ផ្សេងទៀត បានរងរបួស ជាអ្វីដែលនគរបាលបានពិពណ៌នាថា ជាគោលដៅ «វាយប្រហារ» ដោយខ្មាន់កាំភ្លើងជាច្រើនដែលបានបើកការបាញ់ប្រហារនៅខាងក្រៅកន្លែងកម្សាន្តពេលរាត្រីដ៏ពេញនិយមមួយ នៅរដ្ឋ Alabama សហរដ្ឋអាមេរិក។

ការបាញ់ប្រហារកាលពីយប់ថ្ងៃសៅរ៍ (ទី២១ ខែកញ្ញា) នៅក្នុងតំបន់កម្សាន្តដ៏ពេញនិយមឈ្មោះ Five Points South នៃទីក្រុង Birmingham បានធ្វើឲ្យកក្រើកតំបន់សម្បូរដោយភោជនីយដ្ឋាន និងបារ ដែលតែងតែមានសភាពអ៊ូអរ នាពេលយប់ចុងសប្តាហ៍។ ការបាញ់ប្រហារសំដៅហ្វូងមនុស្ស ក្នុងចំណោមការបាញ់ប្រហារជាច្រើន នៅឆ្នាំនេះ នៅក្នុងទីក្រុងធំៗ អ្នកស្រុកមានអារម្មណ៍មិនស្ងប់ និងបានធ្វើឲ្យមន្ត្រី ទាំងនៅមូលដា្ឋន និងកន្លែងផ្សេងអង្វរសុំជំនួយ ដើម្បីដោះស្រាយបញ្ហាឧក្រិដ្ឋកម្ម និងអំពើហិង្សាដ៏ទូលំទូលាយដោយកាំភ្លើង។

អភិបាលក្រុង Birmingham លោក Randall Woodfin បាននិយាយមួយថ្ងៃបន្ទាប់ពីមានការបាញ់ប្រហារថា "«អាទិភាពចម្បង គឺស្វែងរកអ្នកបាញ់ប្រហារទាំងនេះ ហើយនាំពួកគេចេញពីសហគមន៍របស់យើង»។

ស្នងការនគរបាលក្រុង Birmingham លោក Scott Thurmond បាននិយាយថា អាជ្ញាធរជឿថា ការបាញ់ប្រហារនេះសំដៅទៅលើមនុស្សម្នាក់ ក្នុងចំណោមមនុស្សត្រូវបានសម្លាប់ ដែលអាចជាឃាតកម្មស៊ីឈ្នួល។ លោកបានបន្តថា រថយន្ត ១គ្រឿង បានបើកទ្វារ ហើយអ្នកបាញ់ជាច្រើននាក់បានសម្រុកចេញក្រៅ ហើយបានចាប់ផ្តើមបាញ់ប្រហារ បន្ទាប់មកបានរត់គេចខ្លួនពីកន្លែងកើតហេតុតែម្ដង៕